Беларускае добраахвотнае таварыства аховы помнікаў гісторыі і культуры правяло краязнаўчую вандроўку па Лідскіх ваколіцах 2 траўня.

Ганчары. Царква

З вялікай цікавасцю вандроўнікі пазнаёміліся з помнікамі гісторыі і культуры гэтай мясцовасці.

Дзікушкі. Руіны палаца

Антон Астаповіч:«Асабліва моцна ўразіла захаванасць вялікай колькасці помнікаў драўлянага дойлідства, якія да нас дайшлі нават з сяр. XVIII ст. Гэта і цэрквы ў Ганчарах і Голдаве, касцёлы ў Беліцы і Нецечы.

Царква ў Дзікушках

Захавалася вялікая колькасць сядзібных комплексаў – руіны ў Дзікушках, Тарнаўская сядзіба, якая цяпер у працэсе рэканструкцыі, Голдаўскі драўляны сядзібны дом.

Голдава. Званіца

Асобна можна гаварыць пра манументальныя мураваныя помнікі – Дзікушская царква, касцёлы ў Ваверцы і Белагрудзе, выглядам якіх і інтэр’ерамі вандроўнікі проста захапляліся.

Ваверка. Касцёл

Чарговым разам выспела ўпэўненасць, што скарбы нашай спадчыны не толькі ў Міры ды Нясвіжы, пра якія толькі і ўзгадваюць часцяком нашыя штатныя запявалы. Скарбы ў любым горадзе, мястэчку, вёсцы. Было б жаданне іх пабачыць і захаваць».

Белагруда. Касцёл

Вандроўка ладзілася ў межах кампаніі «Будзьма беларусамі!»

Фотаздымкі: pomniki.budzma.org

Тэгі: Ліда