Музей сучаснага мастацтва ў Варшаве і канфедэрацыі музеяў L’Internationale запрашаюць творцаў з Беларусі і Украіны на арт-рэзідэнцыю. Заяўкі прымаюцца да 11 красавіка.
Для каго
Запрашаюць мастакоў, культурных менеджараў, куратараў, творцаў, якія з-за вайны ці палітычнай сітуацыі пакінулі свае краіны і не могуць там весці творчую працу. Адабраныя для ўдзелу ў рэзідэнцыі асобы будуць супрацоўнічаць з прадстаўніком аддзела адукацыі Музея сучаснага мастацтва ў Варшаве. Мэта рэзідэнцыі — рэалізаваць комплекс мерапрыемстваў, якія спалучаюць метады мастацкай і адукацыйнай практыкі.
Распрацаваныя рэзідэнтамі канцэпцыі і фарматы дзейнасці стануць складнікамі праграмы Музея сучаснага мастацтва ў Варшаве, а таксама будуць будуць уключаны ў міжнародную сетку абмену досведам адносна мастацтва і культуры як ключавых элементаў дэмакратычнага грамадства.
Як падаць заяўку:
Да 11 красавіка запоўніце анлайн-форму заяўкі, якая будзе ўключаць:
- рэзюмэ і партфоліа ў фармаце PDF (да 5MB, на польскай або англійскай мовах) або ў выглядзе спасылкі на сайт
- канцэпцыю праекта, які вы хочаце распрацоўваць падчас рэзідэнцыі (PDF, да 5MB, на польскай або англійскай мовах) Калі маеце пытанні, пішыце на адрас [email protected]
Працягласць рэзідэнцыі
Рэзідэнцыі будуць праходзіць у два перыяды: 1) травень—жнівень 2023 г. і 2) верасень—снежань 2023 г. У анкеце неабходна пазначыць, на які з перыядаў вы хочаце падаць заяўку альбо можна пазначыць абодва перыяды.
Падрабязнасці па спасылцы
