10 снежня ў Стакгольме адбудзецца цырымонія цырымонію ўручэння Нобелеўскай прэміі беларускай пісьменніцы Святлане Алексіевіч. Беларускія дзяржаўныя тэлеканалы гэтага не пакажуць.
Нагадаем, аўтар кніг «Цынкавыя хлопчыкі», «У вайны не жаночае аблічча» стала першай у гісторыі Беларусі пісьменніцай, якая атрымае «Нобеля» ў літаратуры.
Аднак цяперашняе кіраўніцтва краіны дэманстратыўна ігнаруе Святлану Алексіевіч. З улікам сітуацыі, не чакаючы «падарунку» ад уладаў, у сацыяльных сетках быў арганізаваны творчы флэш-моб “святкуем Нобеля разам!».
За некалькі дзён у спецыяльнай групе ў фэйсбуку зарэгістравалася больш за 800 чалавек. Мэта – павіншаваць пісьменніцу, адсвяткаваць падзею разам з ёй, паказаць сваё неабыякавасць і гонар за поспех суайчынніцы.
У «адказ» на адмову ТБ-каналаў – шэраг публічных пляцовак, кафэ і рэстаранаў заявілі пра свой намер трансляваць цырымонію ўручэння «Нобеля».
Так, у Бабруйску трансляцыя ўручэння «Нобеля» пройдзе ў тайм-клубе «1387».
«Пытанне аб тым, далучацца да акцыі ці не нават не стаяла. Я не думаю, што гэта тая падзея, якую можна прапусціць. Для Беларусі гэта вельмі важна. Мы збярэмся разам з аднадумцамі і абмяркуем свае ўражанні. Да нас могуць далучыцца ўсе ахвочыя. Гэта тое, што я магу зрабіць для бабруйчанаў – даць пляцоўку», – кажа дырэктар тайм-клуба Наталля Халанская.
Таксама ў тайм-клубе будзе стаяць скрыня для віншаванняў Святлане Алексіевіч, якая будзе знаходзіцца там з 10 па 24 снежня.
Бабруйцы могуць прыйсці на трансляцыю ўручэння літаратурнага «Нобеля» 10 снежня па адрасе: вуліца Савецкая, 97-2. Тайм-клуб «1387».
Пачатак – у 18.00. Уваход вольны.
Вікторыя Вінаградава,
