Цягам верасня ў Беларусі пройдзе фотаконкурс “Вікі любіць славутасці”, які сёлета праводзіцца ў больш як 30 краінах свету. Беларускі конкурс адначасова з’яўляецца часткай агульнасусветнага конкурса Wiki Loves Monuments.

Галоўная мэта конкурсу – захаванне аб’ектаў гісторыка-культурнай спадчыны краін-удзельніц шляхам фатаграфавання і выкладання ў свабодны доступ здымкаў ды напаўнення Вікіпедыі якаснымі ілюстрацыямі.

На конкурс будуць прымацца фотаздымкі толькі тых аб’ектаў, якія пералічаны ўДзяржаўным спісе гісторыка – культурных каштоўнасцяў Рэспублікі Беларусь. Адмыслова для розных рэгіёнаў спіс разбіты на вобласці і раёны.

Правілы ўдзелу ў конкурсе:

– на фатаздымку мусіць быць выяўлены аб’ект гісторыка-культурнай спадчыны Рэспублікі Беларусь з Дзяржаўнага спісу;

– фатаздымак мусіць быць зроблены вамі ўласнаруч, і вамі ж уласнаруч загружаны на конкурс;

– фатаздымак мусіць быць апублікаваны на ўмовах вольнай ліцэнзіі;

– фатаздымак мусіць быць загружаны з 1 па 30 верасня, але можа быць зроблены і раней.

Здымкі, які загружаны ў Вікісховішча ці любы іншы раздзел Вікіпедыі раней, на конкурс не прымаюцца.

Больш падрабязную інфармацыю пра ўдзел у конкурсе чытайце на сайце.

Кантактны e-mail для пытаньняў: info@wikilovesmonuments.by

Міла Дадзян, Твой Стыль