Біскупскі вікарый для горада Магілёва і Магілёўскай вобласці біскуп Аляксандр Яшэўскі SDB распавёў catholic.by пра планы ліквідацыі наступстваў стыхіі, якая 14 студзеня моцна пашкодзіла дах гістарычнай катэдры ў Магілёве.
Фота кс. Паўла Сідарэнкі
Як адзначыў іерарх, адразу ж пасля здарэння распачаўся збор сродкаў на аднаўленне пашкоджанай ураганам святыні.
«За два дня на разліковы рахунак парафіі паступіла 6 тыс. 280 беларускіх рублёў. Дзякуй усім ахвярадаўцам!
Заўтра, 18 студзеня, мы сваімі ўласнымі сіламі будзем забяспечваць дах магілёўскай катэдры ад снега, часова накрываючы яго дсп і руберойдам», — паведаміў біскуп Яшэўскі.
Біскупскі вікарый Касцёла на Магілёўшчыне таксама выказаў падзяку парафіі ў Будславе за перададзеныя лісты дсп іэкспертам-альпіністам, якія могуць працаваць на вышыні, за хуткае распачацце працы.
Пры гэтым ён заўважыў, што юрыдычна ўласнікам святыні ўяўляецца КУП ЖРЭА Ленінскага раёна горада Магілёва, якое, фактычна, павінна праводзіць усе працы і несці выдадткі за іх.
Часовыя працы будуць праводзіцца па ўзгадненнні з уласнікам і з яго дазволу.
«Прашу аб малітве, каб працы па часовым накрыцці даху прайшлі паспяхова», — звяртаецца да вернікаў біскуп Аляксандр Яшэўскі SDB.
Пастыр Мінска-Магілёўскай архідыяцэзіі арцыбіскуп Юзаф Станеўскі заклікаў усіх неабыякавых дапамагчы ў аднаўленні пашкоджанай стыхіяй гістарычнай катэдры ў Магілёве.
Рэквізіты для ахвяраванняў:
р/с BY64BLBB30150700187012001001
ОАО «Белинвестбанк»,
БИК BLBBBY2X
УНП 700187012
получатель платежа: «Римско-католический приход Успения Пресвятой Девы Марии в г. Могилеве»
назначение платежа: добровольное пожертвование
