«Учора забралі чалавека, якога бясконца паважаю і ганаруся знаёмствам — Zmitser Dashkevich. Да гэтага яго выклікалі на допыт разам з цяжарнай жонкай, уварваліся ў кватэру, перавярнулі ўсё дагары нагамі і забралі ўсе прылады. Ведаю, што Зміцер — нязломны. І разумею, як няпроста Dashkevich Nasta», — піша Сяргей Будкін на сваёй старонцы ў Facebook. 

А ў сераду кінуліза краты Tania Vadalazhskaya, сацыёлага і праграмнага дырэктара Лятучы ўніверсітэт. Яна ўжо была ў зняволенні і яе адпусцілі пад падпіску. Таня хацела выехаць на лячэнне за мяжу і як сумленны чалавек пайшла да следчага, каб патлумачыць сітуацыю. Там яе і арыштавалі...

А ў аўторак звольнілі яшчэ аднаго чалавека, якога паважаю — Андрэя Саўчанку (Andrei Savastei), дзякуючы якому трымалася канструкцыя пад назвай Тэатр На Балконе пры БДУ. Яго беспадстаўна затрымалі проста на працы, праз два тыдні адпусцілі, зноў жа пад падпіску аб неразгалошванні. І нават жонцы з малым дзіцём ён не можа распавесці ўсё, што перажыў за гэты час. 

І ў той жа аўторак выселілі Выдавецтва «Янушкевіч», якое выдае кнігі самых актуальных сучасных аўтараў з Беларусі і ўсяго свету, у тым ліку беларускія пераклады нобелеўскіх лаўрэатаў. У апошні дзень існавання офіса выдаўцы зладзілі распродаж. Чарга расцягнулася на ўсю Мар’еўскую.

А тыдзень таму затрымалі гісторыка Аляксандр Белы, арт-мастака Aleh Larychau, цік-токера Мікіту Бялевіча, якія проста ішлі на вуліцы і, магчыма, штосці там пра сябе думалі. «За супраціўленне міліцыі» іх пасадзілі на 15 сутак.

А яшчэ нядаўна затрымалі керамістку і заснавальніцу брэнда Piu ceramics Анастасію Малашук і яе мужа Аляксея Кедыша. Вінавацяць па крымінальнай справе, у ізалятары чакаюць суда. 

І чакаць яго можна доўга, як сведчыць, напрыклад, гісторыя Ales Pushkin, з якім рэжым не ведае што рабіць. 30 сакавіка будзе роўна год як яго ўтрымліваюць у закладніках. І толькі ў сакавіку прайшло першае паседжанне, на якім Алесь выступіў з яскравым стэнд-апам. Сярод іншага ён сказаў, што гатовы да незаконнага прысуду 12 год турмы і парадаваўся, што пракурор кажа па-расійску, бо зусім была б ганьба, калі б яго судзілі па-беларуску.

Таксама судзяць блогера Vlad Savinn, ён калісці рабіў на ОНТ рэаліці-шоў, а ў 2020-м актыўна ўключыўся ў пратэсты. Чалавек амаль год правёў за кратамі ў чаканні суда, 30 сакавіка павінны вынесці прысуд, пагражае да 8 год. 

Такіх гісторый толькі сярод культурных дзеячаў — сотні. (Дам спасылку ў каментах на старонку «Культура пад арыштам», якую мы пастаянна абнаўляем)

З аднаго боку хочацца проста крычаць ад бяссілля. А з другога — ёсць абсалютна яснае разуменне, як наблізіць гэты дзень. Дзень Іх Волі. 

Так, лістамі. Так, ахваряваннямі. Так, словамі падтрымкі для родных.
Але ёсць яшчэ другі ўзровень падтрымкі. І мне акурат Зміцер Дашкевіч тут абавязкова паставіць лайк, як выйдзе. 

Гаварыце па-беларуску — пра сябе, нясмела, з сябрамі і роднымі, а потым паўсюль і з усімі, ва ўвесь голас. І каб вашы дзеткі мелі першую родную — беларускую. А далей — хоць рускую, хоць кітайскую. 

Вывучайце сваё! Класічныя тэксты на Knihi com і Białoruska Biblioteka Kamunikat, навіны на Н**а Н8ва і Р**ыё С***ода, песні на Tuzinfm.by, курсы на «Мовананова»... Ёсць у сеціве прастора, якую і жыцця не хопіць, каб зведаць. 

І спасылкі на гэтыя ўсе грунтоўныя рэсурсы павінны дапамагчы нам ва ўмацаванні Нашага падмурку, які чужынцы не здолеюць зруйнаваць».

На фота: Ян і Сяргей Будкіны, 16.08.2020, Мінск