У польскай сталіцы 26 сакавіка працягнулася святкаванне Дня Волі.
Мерапрыемства распачалося мітынгам на плошчы Канстытуцыі. Прамаўлялі актывісты і палітыкі.
Падчас выступу Святланы Ціханоўскай вызірнула сонца. Нягледзячы на пахмурнае надвор'е сабралася некалькі тысяч беларусаў.
Лунала таксама шмат украінскіх сцягоў, чулася ў натоўпе і польская мова.
Пасля мітынгу калона рушыла да амбасады Украіны, каб выказаць падтрымку народу, які змагаецца за сваю і нашу свабоду.
Гралі дудары, сабралася група бубначоў. Мерапрыемства скончылася ля расійскай амабасады.
Алена Ляшкевіч, budzma.org
