Музей Вольнай Беларусі ладзіць адмысловае гістарычнае спатканне з даследчыкамі і экспертамі, прымеркаванае да 35-годдзя беларускай Незалежнасці. Мерапрыемства адбудзецца 27 ліпеня — у гэты дзень спаўняецца 35 гадоў з дня прыняцця Дэкларацыі аб дзяржаўным суверэнітэце Беларусі — дакумента, які стаў адным з ключавых крокаў на шляху да аднаўлення беларускай дзяржаўнасці.

Галоўным госцем сустрэчы стане Лявон Баршчэўскі — адзін з «дэпутатаў Незалежнасці», які прымаў актыўны ўдзел у працы Вярхоўнага Савета і палітычных працэсах, звязаных са станаўленнем беларускай дзяржаўнасці.

У дыскусіі таксама возьме ўдзел прафесар Віктар Шадурскі — аўтар кнігі «Нараджэнне беларускага Левіяфана. Беларусь ад парламенцкай рэспублікі да аўтарытарнага рэжыму (1990–1996)», прысвечанай аналізу палітычнай трансфармацыі Беларусі ў першыя гады незалежнасці.

Вядоўцам сустрэчы выступіць Аляксей Ластоўскі, дырэктар Беларускага інстытута публічнай гісторыі.

Падчас сустрэчы гісторыкі абмяркуюць:

• месца падзей 1990–1991 гадоў у гісторыі беларускай дзяржаўнасці;

• ролю Дэкларацыі аб дзяржаўным суверэнітэце і рашэнняў Вярхоўнага Савета;

• працэсы фарміравання інстытутаў незалежнай Беларусі;

• пераход ад парламенцкай мадэлі да новай палітычнай сістэмы ў 1990-я гады;

• значэнне гэтых падзей для сучаснай гістарычнай памяці.

Дата і час: 
27 ліпеня 2026 года, 18:00

Месца:
Музей Вольнай Беларусі, Варшава