16 сакавіка Дзень нараджэння за кратамі адзначае вядомы віцебскі разьбяр па дрэве Уладзіслаў Макавецкі. Уладзіслаў — мастак па адукацыі, ён вядомы як аўтар 24-метровай драўлянай лыжкі, якую выразаў у Беразіне супольна з іншымі мастакамі.
Уладзіслаў Макавецкі. Фота: «Могилевские ведомости»
24-мятровая драўляная лыжка ў Беразіне
Працаваў таксама ў цэнтры рамёстваў у Лёзне. Займаўся калекцыянаваннем і рэстаўрацыяй гістарычных артэфактаў.
Уладзіслава абвінавацілі па арт. 364 КК («Гвалт альбо пагроза ўжывання гвалту ў дачыненні да супрацоўніка органаў унутраных спраў»).
У апошнім слове Уладзіслаў Макавецкі сказаў, што не меў намеру нанесці камусьці шкоду і нікому яе не прычыніў.
Тым не менш 16 снежня 2020 года суд пакараў Уладзіслава Макавецкага двума гадамі калоніі агульнага рэжыму.
Знаходзячыся за кратамі Уладзіслаў дасылае вось такія цудоўныя малюнкі.
Павіншаваць Уладзіслава з Днём нараджэння і падтрымаць яго можна даслаўшы лісты на гэты адрас: ПК № 22. 225295, Брэсцкая вобласць, г. Івацэвічы, ст. Даманава, а/с 20.
