Падборка бясплатных курсаў на платформе Лятучага ўніверсітэту: ад OPEN DATA i фінансаў да фатаграфіі ды oral historhistory.
Ёсць не толькі відэафармат, але і аўдыа: падкасты на сайце online платформы да на SoundCloud.
Калі ты свядома падыходзіш да самаразвіцця і лічыш, што гэта правільна мець асабістае абгрунтаванае меркаванне - тады online платформа Лятучага ўніверсітэта дакладна для цябе!
Стваральнікі і аўтары курсаў не бягуць за хайпавымі тэмамі і не ствараюць чарговы відэа-курс па моднаму пытанню. Лятучы ўніверсітэт робіць нестандартныя аўтарскія курсы на няпростыя тэмы, пасля прагляда якіх ты дакладна зможаш адстаяць сваю пазіцыю. А калі дабярэшся да дадатковых матэрыялаў - стаць экспертам/ай.
Вось некаторыя тэмы, па якім ты можаш дасягнулі новага лэвэлу:
Курс па Open Data “Уводзіны ў адкрытыя дадзеныя”
Ведаеш што такое Open Data і мажаш працытаваць Хартыю адкрытых дадзеных па памяці? І нават у гэтым выпадку табе будзе цікава даведацца: хто і як можа атрымаць выгаду ад Open Data, хто і як збірае і ацэньвае дадзеныя, што лічаць эксперты пра становішча з Open Data у свеце ды ў нас, і шмат чаго яшчэ.
Big brother is watching you!
Глядзець тут. Слухаць тут.
Уводзіны ў сістэмны падыход
уманітарная веда можа быць не меньш дакладнай за тэхнічную, якая таксама працуе з допускамі і верагоднасцямі, з нявызначанасцю. Але тэхнары гэтага не палохаюцца, бо ўмеюць лічыць.
Будзем разбірацца як можна “лічыць” складаныя гуманітарныя сістэмы ды схемы.
Глядзець тут. Слухаць тут.
Адкрытыя праблемы і парадоксы біяэтыкі
Як выяўляецца сутнасць жыцця і смерці? Медыцынскі "сіндром бога"- to will or not to will. Гарвардскі крытэр смерці - ці актуальны пры цяперашнім узроўні медыцыны? Эўтаназія, сурагатнае мацярынства - этычна, але антырэлігійна?
І гэта мы толькі пачалі пералік! Адразу ж падкрэслім - не надта кароткі курс, але ж пагадзіцеся, у двух словах пра такія пытанні не распавесці
Lifehack - павяліч хуткасць прайгравання відэа, калі схопліваеш на хаду.
Глядзець тут. Слухаць тут.
Гарады і змяненне клімату: што і навошта трэба ведаць
Па-першае, калі ты абмяркоўваў Гретту Тунбер - гэта твая тэма.
Па-другое, у Беларусі не ўсё так блага, трэбы толькі не дазваляць руйнавацца ўжо створанаму ды планамерна дадаваць новае.
Па-трэцяе, паслухай курс - у ім вельмі файна выкладзены ўсе пытанні. Ды ў дадатак, там шмат малюнкаў і прыкладаў - усе як нам спадабаецца.
Глядзець тут. Слухаць тут.
Грошы, фінансавае пасрэдніцтва і іх роля ў эканоміцы
Плануеш майніць біткоіны, гуляць на біржы ці ў цябе проста ёсць свае асабістыя грошы? Тады табе дакладны трэба паглядзець гэты курс! З аднаго боку ты зразумееш як усе складана, а з другога - пачнеш разбірацца ва ўсёй глабальнай схеме.
Глядзець тут. Слухаць тут.
Практычная палітыка
Ты калі-небудзь параўноўваў/а палітыку з працай па стварэнню маляванага мульціка? А можаш сказаць, калі сітуацыя становіцца палітычнай? Ці хочаш разабрацца ў палітычных знаках і сымбалях, у паліттэхналогіях?
Пераходзь па спасылцы. Але папярэджваем - курс-чэлендж! Курс не для ўсіх, але для кожнага!
Глядзець тут. Слухаць тут.
Сучаснае адукацыя: радыкальныя змены
Можаш, як Пракапеня, распавесці, што бы ты змяніў/ла ў сістэме адукацыі? Ці лічыш, што павышэнне заробку настаўнікам вырашыць усе пытанні? Ці ўпэўнены/на, што ані школа, ані ўніверсітэт не змогуць падрыхтаваць чалавека да сучаснага жыцця?
Чаму і што не так у нас і ў свеце, давай разбірацца.
Глядзець тут. Слухаць тут.
Сацыяльнае ўяўнае і ягоныя межы
Існуе рубеж, пасля якога чалавецтва кожны раз спараджае рэпрэсіўныя механізмы кіравання. Дык ці ёсць мяжа магчымасцям чалавека ствараць “новы парадак”? Ці можна сканструяваць нацыю?
Адзін з самых глыбокіх і сур’ёзных курсаў. Крыху болей за гадзіну - і ты зможаш зрабіць аналіз сацыяльна-палітычнай рэчаіснасці па “The Lord of the Rings”.
Глядзець тут. Слухаць тут.
Гульня ў культуры, мысленні і практыцы
Часам кажуць, што сучасны чалавек - гэта чалавек які гуляе. Ды ўвогуле “увесь свет - гульня”. А як насамрэч?
Чым адрозніваюцца бізнэсовыя гульні ад гульняў жывога дзеяння ды моўных? Да чаго тут тэатр? Паспрабуй разабрацца!
Глядзець тут. Слухаць тут.
Прамоўленая гісторыя Беларусі ХХ ст.
Ці з'яўляецца каштоўнасцю для гісторыі асабістыя ўспаміны? Ці змогуць нашыя с табой успаміны ўдакладніць афіцыйна прыняты гістарычны факт?
Шчыра скажам, на апошніх дзьвух лекцыях мы амаль не стрымалі эмоцыі. Другая сусветная, Чарнобыль і калектывізацыя, як гэта распавядаюць сведкі - вельмі кранальна!
Глядзець тут. Слухаць тут.
Дзьве гісторыі стварэння ў кнізе Роду
Не было а ні Адама, а ні Евы. Ды яблык - зусім не яблык! Версій стварэння свету ў Бібліі цэлых дзьве! Ды наогул, перавесці навукоўцы могуць далёка не ўсе словы і фразы.
Што чалавецтва насамрэч ведае пра Біблію, калі адкінуць увесь царкоўны маркетынг?
Глядзець тут. Слухаць тут.
Спадчына: каштоўнасці і практыка
Чаму Гарадавы гэта не помнік, а зарослы падмурак замка - помнік?
Будаўнічая рэканструкцыя vs навуковая рэканструкцыя. Пасля аднаўлення гістарычнага помніка, што мы атрымліваем: арыгінал альбо новы помнік? Разбіраемся з нашай і вашай спадчынай!
Глядзець тут. Слухаць тут.
Мы распавялі амаль пра ўсе курсы, акрамя курсаў па дызайне, гісторый фатаграфіі, Кнізе Роду, філасофіі гісторыі. Калі цікавішся гэтымі тэмамі - яны твае!
І апошняе, сачы за далейшым развіццём платформы - такія курсы ствараюцца не хутка. Але нешта новае дакладна будзе з'яўляцца!
Глядзі: www.dp.fly-uni.org
Слухай: www.dp.fly-uni.org/podcasts
Пампуй: www.soundcloud.com/user-vedy-online
Паводле стваральнікаў
