Вышэйшая школа «Среда Обучения» запускае цыкл бясплатных анлайн-лекцый па псіхалогіі, дызайне і дызайне інтэр’ераў, паведамляе knife.media.
У ролі лектараў выступяць эксперты-практыкі з розных краін, а таксама выкладчыкі Кембрыджскага, Оксфардскага, Стэнфардскага універсітэтаў і іншых вядучых ВНУ свету. У канцы занятка спікерам можна будзе задаць пытанні.
У ліпені вы можаце паслухаць: — прафесара Шеры Джонсан з Каліфарнійскага універсітэта ў Бёрклі, якая вывучае афектыўныя растройствы;
— ілюстратара Пола Карасіка, аўтара коміксаў і карыкатур для The New Yorker;
— архітэктара Лізу Такер, якая раскажа пра мінімалізм і ўстойлівы дызайн.
Сустрэчы будуць праходзіць кожны тыдзень у прамым эфіры на англійскай мове з сінхронным перакладам. Усяго з ліпеня па верасень пройдзе больш за 30 вэбінараў.
Для ўдзелу трэба толькі зарэгістравацца тут.
