Увечары 11 лютага ў мінскім бары «Ў» малады ізраільскі паэт Ёнатан Барг сустрэўся з пісьменнікамі і аматарамі літаратуры, каб бліжэй пазнаёміць беларусаў са сваімі вершамі і сваёй краінай. Імпрэза стала пралогам Стральцоўскага фэсту, урачыстае адкрыццё якога адбудзецца 12 лютага.
Перад пачаткам вечарыны Ёнатан Барг і Андрэй Хадановіч дыскутавалі пра пераклады з польскай паэзіі
Вядоўцам стаў Андрэй Хадановіч, перакладаў падчас сустрэчы з іўрыту на беларускую Павал Касцюкевіч.
Злева направа: Андрэй Хадановіч, Ёнатан Барг, Павал Касцюкевіч
Выступае спадарыня Юлія Рачынскі-Співакоў
З прывітальным словам выступіла Часовы Павераны ў справах Дзяржавы Ізраіль у Рэспубліцы Беларусь спадарыня Юлія Рачынскі-Співакоў, якая распавяла, што паэт, празаік і перакладчыкЁнатан Барг падчас свайго візіту ў Беларусь бярэ ўдзел у некалькіх мерапрыемствах, у тым ліку ў Пятым міжнародным паэтычным фестывалі “Вершы на асфальце” памяці Міхася Стральцова і ў Міжнароднай кніжнай выставе-кірмашы.
Гледачы
.JPG)
Кнігі Ёнатана Барга
Цягам вечарыны спадар Ёнатан чытаў свае вершы ў арыгінале, распавядаючы перадгісторыі іх узнікнення, а спадар Андрэй агучваў свае перастварэнні гэтых тэкстаў па-беларуску. Ладная частка сустрэчы была прысвечаная адказам на пытанні публікі — такім чынам паэтычныя чытанні паступова ператварыліся ў інтэлектуальны палілог.
Ёнатан Барг
12 лютага Ёнатан Барг выступіць на Адкрыцці Стральцоўскага фэсту. Цалкам праграму фэсту глядзіце ТУТ
БОЛЬШ ФОТА НА СТАРОНЦЫ СБП У ФЭЙСБУКУ
Тэкст і фота: Віка Трэнас, для lit-bel.org
