Таямніцы мінулага, цікавыя факты, легендарныя асобы, шмат чаго невядомага вам раней з беларускай гісторыі вы зможаце даведацца ад доктара гістарычных навук, прафесара Алеся Краўцэвіча ў відэапраекце Budzma.org «Гісторыя за 5 хвілін». У новым відэа расповед датычыцца гісторыі нашай сталіцы — горада з цікавай гісторыяй — Мінска.

Дзе першапачаткова знаходзіўся старадаўні Менск? Як выявілі навукоўцы, што горад знаходзіўся раней у іншым месцы? Які важны гандлёвы шлях кантраляваў горад амаль тысячу год таму? Што за загадкі гісторыі Мінска адкрылі археолагі за апошняе стагоддзе? Як зараз ажывае месца першапачатковага паселішча? Адказы на гэтыя пытанні ў чарговым выпуску праграмы з прафесарам Алесем Краўцэвічам.

Ведаць гісторыю сваёй Радзімы — абавязак сапраўднага грамадзяніна. Гэтая навука распавядае пра жыццё мінулых пакаленняў, іх ўнутраныя стасункі паміж сабой, знешнія дачыненні з суседзямі. Гісторыя ўказвае на памылкі мінулых часоў і вучыць не рабіць іх наноў. У гэты няпросты час «Будзьма беларусамі!» прапануе пачаць вывучаць або пашырыць свае веды па гісторыі Беларусі разам з вядомым гісторыкам і археолагам Алесем Краўцэвічам, які зробіць экскурс ад самых старадаўніх часоў нашай мінуўшчыны да атрымання Беларуссю незалежнасці.

Вас чакае гісторыя развіцця продкаў сучасных беларусаў, іх культура, гісторыя войнаў, загадкі з жыцця вядомых асобаў і аналітычныя высновы ад Алеся Краўцэвіча пра тое, чаму стужка мінулых часоў у пэўныя моманты паварочвала так, як вядома нам цяпер, а не іначай.

Наступны раз гаворка пойдзе пра самага загадкавага князя з беларускай гісторыі — Усяслава Чарадзея.

Папярэднія выпускі глядзіце па спасылцы.

Глядзіце яшчэ:

Колькі карон было ў Стэфана Баторыя і які іх лёс