У чарговым відэа гісторык Алесь Краўцэвіч распавядае пра пачатак і спосабы барацьбы Тэўтонскага ордэна супраць Вялікага Княства Літоўскага.
Што сабой уяўляў Тэўтонскі ордэн і якая ў яго была місія? Якой тактыкай карысталіся заваёўнікі і чаму яна не спрацавала супраць Вялікага Княства Літоўскага? Што стала нечаканасцю для братоў-рыцараў на нашых землях? Як выглядала гэтая сярэднявечная вайна? Што было важным чыннікам перамогі ў бітвах тых часоў? Як звязаны герб “Пагоня” і супрацьстаянне крыжакам? На гэтыя пытанні дае адказы ў роліку доктар гістарычных навук Алесь Краўцэвіч.
Ведаць гісторыю сваёй Радзімы — абавязак сапраўднага грамадзяніна. Гэтая навука распавядае пра жыццё мінулых пакаленняў, іх унутраныя стасункі паміж сабой, знешнія дачыненні з суседзямі. Гісторыя ўказвае на памылкі мінулых часоў і вучыць не рабіць іх наноў. У гэты няпросты час «Будзьма беларусамі!» прапануе пачаць вывучаць або пашырыць свае веды па гісторыі Беларусі разам з вядомым гісторыкам і археолагам Алесем Краўцэвічам, які зробіць экскурс ад самых старадаўніх часоў нашай мінуўшчыны да атрымання Беларуссю незалежнасці.
Вас чакае гісторыя развіцця продкаў сучасных беларусаў, іх культура, гісторыя войнаў, загадкі з жыцця вядомых асобаў і аналітычныя высновы ад Алеся Краўцэвіча пра тое, чаму стужка мінулых часоў у пэўныя моманты паварочвала так, як вядома нам цяпер, а не іначай.
У наступнай відэасустрэчы гаворка будзе ісці пра супрацьстаянне Літвы і яе заклятага ворага – Тэўтонскага ордэна.
Калі вам падабаюцца нашыя відэапраекты і аўтарскія артыкулы, вы можаце падтрымаць рэдакцыю «Будзьмы», набыўшы нам кубачак кавы. Гэта дапаможа нам стварыць больш цікавых відэаролікаў і арыгінальных артыкулаў.
