Таямніцы мінулага, цікавыя факты, легендарныя асобы, шмат чаго невядомага вам раней з беларускай гісторыі вы зможаце даведацца ад доктара гістарычных навук, прафесара Алеся Краўцэвіча ў відэапраекце Budzma.org «Гісторыя за 5 хвілін». Адпраўляемся ў відэавандроўку па старажытнай Полацкай Спаскай царкве.
Якія першыя мураваныя храмы на беларускіх землях ацалелі да сёння? Чаму Полацкая Спаская царква была тагачасным архітэктурным прарывам? У чым адметнасць храма і хто яго пабудаваў? Якім чынам архітэктар хацеў «парваць» з кіеўскай традыцыяй муроўкі? Адкуль белыя і чырвоныя колеры ў муроўцы Спаскай царквы? Якія таямніцы схаваныя пад тынкоўкай унутры храма і чаму яго ваколіцы яшчэ доўга будуць цікавіць археолагаў? Гісторык Алесь Краўцэвіч дае грунтоўныя адказы на гэтыя пытанні.
Ведаць гісторыю сваёй Радзімы — абавязак сапраўднага грамадзяніна. Гэтая навука распавядае пра жыццё мінулых пакаленняў, іх унутраныя стасункі паміж сабой, знешнія дачыненні з суседзямі. Гісторыя ўказвае на памылкі мінулых часоў і вучыць не рабіць іх наноў. У гэты няпросты час «Будзьма беларусамі!» прапануе пачаць вывучаць або пашырыць свае веды па гісторыі Беларусі разам з вядомым гісторыкам і археолагам Алесем Краўцэвічам, які зробіць экскурс ад самых старадаўніх часоў нашай мінуўшчыны да атрымання Беларуссю незалежнасці.
Вас чакае гісторыя развіцця продкаў сучасных беларусаў, іх культура, гісторыя войнаў, загадкі з жыцця вядомых асобаў і аналітычныя высновы ад Алеся Краўцэвіча пра тое, чаму стужка мінулых часоў у пэўныя моманты паварочвала так, як вядома нам цяпер, а не іначай.
Глядзіце яшчэ:
Полацкі Сафійскі сабор – першы мураваны будынак у гісторыі Беларусі
У наступным роліку прафесар распавядзе пра перліну гродзенскага дойлідства, якая захавалася па сённяшні дзень — Барысаглебскую царкву.
Папярэднія выпускі глядзіце па спасылцы.
Калі вам падабаюцца нашыя відэапраекты і аўтарскія артыкулы, вы можаце падтрымаць рэдакцыю «Будзьмы», набыўшы нам кубачак кавы. Гэта дапаможа нам стварыць больш цікавых відэаролікаў і арыгінальных артыкулаў.
