Таямніцы мінулага, цікавыя факты, легендарныя асобы, шмат чаго невядомага вам раней з беларускай гісторыі вы зможаце даведацца ад доктара гістарычных навук, прафесара Алеся Краўцэвіча ў новым відэапраекце Budzma.org «Гісторыя за 5 хвілін». Гэтым разам падарожнічаем у часы каменнага веку.
У гэтым выпуску гісторык распавядае пра з’яўленне агню, шліфаваных прылад працы, лука і стрэлаў, развіццё вытворчай гаспадаркі на нашых землях. Таксама даведаемся, як з’явілася першая ў гісторыі чалавецтва форма гандлю, дзе і калі з’явіліся першыя на тэрыторыі Беларусі і адны з першых у Еўропе шахты па здабычы крэменю.
Ведаць гісторыю сваёй Радзімы — абавязак сапраўднага грамадзяніна. Гэтая навука распавядае пра жыццё мінулых пакаленняў, іх ўнутраныя стасункі паміж сабой, знешнія дачыненні з суседзямі. Гісторыя ўказвае на памылкі мінулых часоў і вучыць не рабіць іх наноў.
У гэты няпросты час «Будзьма беларусамі!» прапануе пачаць вывучаць або пашырыць свае веды па гісторыі Беларусі разам з вядомым гісторыкам і археолагам Алесем Краўцэвічам, які зробіць экскурс ад самых старадаўніх часоў нашай мінуўшчыны да атрымання Беларуссю незалежнасці. Вас чакае гісторыя развіцця продкаў сучасных беларусаў, іх культура, гісторыя войнаў, загадкі з жыцця вядомых асобаў і аналітычныя высновы ад Алеся Краўцэвіча пра тое, чаму стужка мінулых часоў у пэўныя моманты паварочвала так, як вядома нам цяпер, а не іначай.
У першым выпуску гаворка ішла пра першых людзей на нашай зямлі, калі і чаму яны тут з’явіліся, як жылі і чым займаліся. Чаму так мала вядома пра далёкіх продкаў сучасных беларусаў?
Глядзіце першы выпуск па спасылцы.