Паўдні каля сцен Старога замка для гарадзенцаў гралі больш за 150 музыкаў з Беларусі, Польшчы і Літвы. Першы джазавы фестываль Grodno-Jazz-2009 адбыўся 26 чэрвеня. Дзевяць джаз-бэндаў, што ўзялі ўдзел у фэсце, граюць ў стылях блюз, рэгтайм, свінг, фьюжн і фанк.

Літоўскі джаз-бэнд “Trees”

Да гэтага двойчы падобнае музычнае мерапрыемства ладзілася ў рэстарацыі “Гродна”. Сёлета арганізатарам удалося выйсці на адкрытую гарадскую пляцоўку. Сцэну для “Grodno-Jazz-2009” мусілі паставіць у дворыку Новага замка. Пазней месца імпрэзы змянілася: у гэты ж дзень у горадзе сустракаліся прэм’ер-міністры Беларусі і Літвы. Музыкам прыйшлося саступіць рэзідэнцыю каралей Рэчы Паспалітай палітыкам.

Моладзевы эстрадна-сімфанічны аркестр універсітэта культуры і мастацтваў

Cалісткі эстрадна-сімфанічнага аркестра універсітэта культуры і мастацтваў:

— Джаз – гэта гармонія і любоў. Гэта як бальныя танцы… — Гэта стан душы! Свабода душы.

На сцэне з’явіўся аркестр ГУУС з Мінску.

— Што Вам падабаецца больш: законы ахоўваць ці на джаз граць? – запытваюся ў лейтынанта-трубача.

— І тое, і тое хораша, – з усмешкай кажа ён. – Хоць спалучаць гэтыя заняткі бывае цяжкавата.

— А калі прыйшлося б выбіраць?..

— Ну… думаю, трэба законы ахоўваць. Гэта важней.

-А зараз вялікая просьба! – звярнуўся да залы дырыжор аркестра філармоніі. – Хто хоча слухаць – слухае, хто жадае танчыць – танчыць! Наступную песню дакладна немагчыма слухаць седзячы!

Пляцоўка Старога замка

Незаменная частка любога джазавага фестываля – джэм-сэйшн. Усе музыкі падымаюцца на сцэну і па чарзе граюць на абраную тэму. Удзельнікі “Grodno-Jazz-2009” імправізавалі ў рэ-мінор.

Гітарыст гурта “Hush”

Салістка джаз-калектыву філармоніі пад кіраўніцтвам Барыса Мягкова

Гурт “Бруклін” выступаў па-за праграмай фэсту

Тэгі: Падляшша