Гурт «Кассиопея» падзяліўся кліпам на песню «Левый глаз» з новага альбома пад назвай «Биполярная звезда».
«Наш новы альбом "Биполярная звезда" канцэптуальна ўяўляе сабой дыскатэку для самотнага сацыяпатычнага нарцыса з заніжаным эга, дзе ў якасці дыск-жакеяў выступаюць усе вядомыя ў свеце фобіі (рэкамендуецца слухаць і танчыць у рэжыме нон-стоп, у слухаўках, перад люстэркам)», — так пішуць музыкі пра свой альбом.
Паслухаць можна па спасылцы.
«Кассиопея» — адзін з самых яскравых гуртоў альтэрнатыўнай сцэны Беларусі, заснаваны ў Мінску у 2001 годзе. Гурт стварае свой уласны музычны свет, дзе фрык-поп сплятаецца з электронікай, а тэксты, поўныя наіўнасці і пранізлівыя адначасова, застаюцца з табой даўжэй, чым гучыць песня.
Сёння «Кассиопея» выпраўляецца ў еўрапейскі тур. Канцэрты пройдуць у
Вільні — 07.06,
Варшаве — 08.06
Познані — 10.06
Берліне — 11.06
Уроцлаў — 12.06
Кракаў — 14.06
Квіткі можна набыць на сайце гурта.
