Будзьма беларусамі! » Каля Дома Вагнэраў у Гродне з’явіцца памятны знак

За аснову аўтары ўзялі гранітны слуп перадваеннай вытворчасці.

Слуп, які выкарысталі аўтары, быў знойдзены на гэтым жа месцы падчас рамонтных працаў некулькі год таму.

Калісьці паміж домам Вагнэраў і вялікім трохпавярховым будынкам па суседству стаялі два гранітныя слупы, паміж якімі быў нацягнуты ланцуг. Час не захаваў самой канструкцыі, затое прынамсі адзін са слупоў не загінуў незваротна, але атрымлівае на нашых вачах “другое жыццё”.

Дом Вагнэраў, які знаходзіцца на Дзяржынскага, 10, вядомы большасці сталых гарадзенцаў. Пасля вайны там жыў вядомы сваёй эпатажнасцю актор драматычнага тэатру Мікалай Вагнэр, а сам асабняк быў збудаваны пасля І Сусветнай Вайны ягоным бацькам Леапольдам – вядомым у Гродне сталяром.