Велічны помнік архітэктуры, у якім хацелі здымаць кіно паводле Караткевіча, быў пабудаваны амаль 300 гадоў таму. Барочны комплекс XVIII стагоддзя — адзіны на ўсю Беларусь храм у гонар святой Веранікі. Сёння ён знаходзіцца ў драматычным стане і патрабуе тэрміновай кансервацыі.
Гісторыя ўнікальнага помніка
Каменны касцёл Святой Веранікі і бернардынскі кляштар у стылі барока з’явіліся ў вёсцы Селішча ў 1726 годзе. Пасля паўстання 1830-га расійскія ўлады кляштар закрылі, а касцёл перарабілі ў праваслаўны храм.
Падчас Другой сусветнай комплекс моцна пацярпеў. Была разбураная адна з веж, згарэў манастырскі корпус, а ўсё ўнутранае ўбранне касцёла было страчана. Пасля вайны будынкі ніхто не аднаўляў, і яны працягвалі разбурацца.
Так выглядаў комплекс да разбурэння. Фота: t.me/lostbuildings
Ніякіх захадаў па кансервацыі помніка не было нават пасля таго, як у 2000 годзе ўлады Беларусі ўключылі комплекс у спіс гісторыка-культурных каштоўнасцей пад другой катэгорыяй. У ліпені гэтага года стала вядома, што пры касцёле абвалілася сцяна кляштара.
Фота: t.me/lostbuildings
Як дапамагчы
Для дапамогі ў правядзенні работ па аднаўленні (стварэнне часовага даху, сховішча фрагментаў сцен) адкрыты спецыяльны дабрачынны рахунак, на які ўсе ахвотныя могуць пералічыць любую суму для выратавання архітэктурнага помніка:
BY39AKBB31320112601822300000
код AKBBBY2X
УНП 300006248
