Фільм «Цішыня здабычы» зняты мадэллю Карыны Кудзінай з Гомеля, піша тг-канал «Свяшчэнны Белавуд».
Кадр з фільма «Цішыня здабычы» / Studio Dome the Horror Collective
Фільм «Цішыня здабычы» — сумесны праект дэбютанткі Карыны Кудзінай і Майкла Вайнберга.
Карына, як і яе сястра Караліна, родам з Гомеля. Цяпер дзяўчына жыве ў ЗША, у Нью-Ёрку, працуе мадэллю і спрабуе свае сілы ў кіно ў якасці актрысы, сцэнарысткі і прадзюсаркі. У дэбютную кінастужку дзяўчына перанесла свой эмігранцкі досвед.
У адчайнай спробе забяспечыць будучыню свайго дзіцяці маці-імігрантка з Беларусі, якая не мае дакументаў, уладкоўваецца на працу нянькай да пажылога амерыканца. Але ў мужчыны ёсць жудасная таямніца...
Фільм здымаўся за невялікія грошы лэйблам Studio Dome the Horror Collective і атрымаў супярэчлівую крытыку. Прэса, напрыклад, піша, што фільм па змесце атрымаўся сучасным, але зняты проста жудасна.
Затое ў ім ёсць жарты пра тое, што Беларусь — гэта горад ва Украіне.
Чытайце яшчэ: Беларускае кіно на зломе эпох: фільм «Пікалін Эйс». Моц правінцыі