КінаКаляды48 — гэта чэлендж для ўдзельнікаў і ўдзельніц любой падрыхтоўкі, якія хочуць прымяніць свае навыкі ці паспрабаваць напісаць сцэнар, зняць, зрабіць гук і зманціраваць гатовы калядны гульнявы караткаметражны фільм за 48 гадзін.
Пераможцы атрымаюць адмысловыя ўзнагароды! А яшчэ ўсе фільмы будуць паказаныя ў Вільнюсе падчас Калядаў, каб беларусам і беларускам стала цяплей і ўтульней.
Рэгістрацыя ўжо пачалася. Анкету на ўдзел можна запоўніць па спасылцы да 16 снежня (19:00).
Асноўнай лакацыяй стане Вільня, але таксама вітаюцца анлайн удзельнікі і ўдзельніцы. Колькасць каманд абмежавана. Чэлендж адбудзецца з суботы 17 снежня 12:00 да панядзелка 19 снежня 14:00.
Усе фільмы будуць паказаны ў Вільне 23 снежня ў кінатэары Pasaka.
Таксама паказы плануюцца ў Варшаве і іншых гарадах
Колькі гэта каштуе? 50 еўра з каманды.
У вашай камандзе 3 або болей студэнтаў і студэнтак з улікам лідара / лідаркі?
Кошт 25 еўра з каманды (спатрэбіцца даслаць сканы студэнцкіх білетаў).
Чаму чэлендж платны? Гэта прызавы фонд, а таксама сродкі на арганізацыю чэленджа і вялікага паказу ў Вільне, арэнду дадатковага абсталявання.
Узнагароды:
1 месца: 300 еўра на рэалізацыю наступных праектаў, 3 ментарскія сесіі па дыстрыб’юцыі, фандрайзінгу і прадзюсіраванню кіно.
Спец-прыз ад Running Turtle Company — кантракт на міравую дыстрыб’юцыю і паказ фільма на Еўрапейскім кінарынке ў Берліне.
2 месца: 200 еўра, 2 ментарскія сесіі па дыстрыб’юцыі фандрайзінгу і прадзюсіраванню кіно.
3 месца: 100 еўра, 1 ментарская сесія па дыстрыб’юцыі, фандрайзінгу і прадзюсіраванню кіно.
Сацыяльныя сеткі праекта:
Telegram, Instagram, Facebook.
Сайт праэкта.
Кантакт для сувязі і пытанняў:
Мікіта Суботкін
Communication manager
Паводле прэс-рэлізу
