12 і 19 снежня адбудуцца чарговыя кінаканцэрты ў рамках арт-праекта нямога кіно і эксперыментальнай музыкі “Кінапалёт”. Як адзначае адзін з арганізатараў, Уладзімір Булаўскі, фармат “Кінапалёта” аказаўся даволі нязвыклым для віцебскай аўдыторыі, што безумоўна адбілася на наведванні падзей. Але пры гэтым, падцвердзілася высокая мастацкая якасць праекта і яго перспектывы. Ужо зараз запланаваны чарговы “Кінапалёт”, які пройдзе ў маі 2016-га года на пляцоўках ВЦСМ.
“Наша мэта – пазнаёміць жыхароў Віцебска з раннім айчынным і замежным кінематографам і сучаснай беларускай эксперыментальнай музыкай. Таму наступны “Кінапалёт” вырашана правождзіць на адкрытых гарадскіх пляцоўках, напрыклад – унутраны дворык Арт Прасторы на вул. Талстога,7” адзначае Уладзімір Булаўскі.
«Кінапалёт» – назва, якая адсылае жыхароў Віцебска да 1980-х гг., калі дзейнічаў дзіцячы кінатэатр “Палёт”, што месціўся ў самалёце ТУ-134 на Маскоўскім пр-це.
Праграма апошніх 2 дзён.
12.12 –TONQIXOD, «Нянавісць»: 1930,BY, Ю. Тарыч(«ВЦСМ«, вул. Белабародава, 5).
19.12 –Re1ikt, «У агні народжаная»: 1929, BY, Уладзімір Корш-Саблін («ВЦСМ«, вул. Белабародава, 5).
Працягваецца з 05.12 – 19.12 –«250»– праект-прысвячэнне Міхаілу Агінскаму («Арт-прастора», Талстога, 7).
Інфармацыя: +375259133876.
Квіткі на “Кінапалёт” вы можаце набыць на пляцоўках ВЦСМ:
– выставачная зала Белабародава,5
– выставачная зала Фрунзэ,11
– Арт прастора Талстога,7
Замовіць па тэлефоне 025 9133876, а таксама на ўваходзе. Кошт – 80 т.
У арт-праекце «Кінапалёт»прымалі і прымуць прымуць удзел выканаўцы, якія агучылі першыя беларускія нямыя фільмы ў межах праекту “Тузін.Немаўля” – Re1ikt, праект Сяргея Пукста, Tonqixod. У іх жывым музычным суправаджэньне будуць паказаныя фільмы «У агні народжаная» (1929), «Кастусь Каліноўскі» (1927),«Нянавісць» (1930). У праграму фестывалю ўключаны таксама выступ Yegora Zabelova з музыкаю да французскага нямога фільму «Менімальтан»: 1926, FRA¸ Дзімітры Кірсанаў. Кожны кінаканцэрт складаецца з дзвюх частак – уласна кіно з музыкаю і сэта з аўтарскіх кампазіцый.
Арт-праект ставіць мэтай актуалізацыю сучаснага мастацтва і папулярызацыю ранняга айчыннага і сусветнага кінематографа.
Мерапрыемствы “Кінапалёта” можна наведаць з 21 лістапада па 19 снежня на пляцоўках Віцебскага цэнтра сучаснага мастацтва.