Конкурс маладых літаратараў «Першацвет» працягвае прыём прац да 30 кастрычніка 2016 года. Прыняць удзел можа любы жыхар Беларусі ва ўзросце ад 18 да 30 гадоў.
На конкурс прымаюцца паэтычныя і празаічныя творы, якія не публікаваліся раней і не ўдзельнічалі ў іншых конкурсах. Аб’ём твора не павінен перавышаць трох аўтарскіх лістоў. Кожны ўдзельнік конкурсу мае права накіраваць толькі адзін твор на рускай або беларускай мовах.
Заяўка на ўдзел у конкурсе і спіс патрабаванняў знаходзіцца тут.
Вынікі конкурсу будуць падведзены да 1 лютага наступнага года.
Уганараванне пераможцаў конкурсу адбудзецца ва ўрачыстай абстаноўцы на XXIV Мінскай міжнароднай кніжнай выставе-кірмашы у лютым 2017 года.
Арганізатарамі конкурсу выступілі Міністэрства інфармацыі Рэспублікі Беларусь, рэдакцыйна-выдавецкая ўстанова «Выдавецкі дом «Звязда», выдавецкае рэспубліканскае унітарнае прадпрыемства «Мастацкая літаратура».
Паводле арганізатараў
