Паважанае спадарства!
Ініцыятыўная група “Клубу еўрапейскіх настаўнікаў”, Беларускае Шуманаўскае Таварыства і Беларускае добраахвотнае таварыства аховы помнікаў гісторыі і культуры запрашаюць усiх настаўнікаў, зацiкаўленых у актуалiзацыi ведаў аб культурна-гістарычных сувязях Беларусі і Еўропы, культуры і традыцыях еўрапейскіх краін, сучаснай Еўропе прыняць удзел у
Шостым рэспублiканскiм конкурсе школьных каманд
«Што я ведаю пра Еўропу?».
Гiсторыя конкурсу бярэ пачатак з 2004 года, калi прайшло першае спаборнiцтва памiж школьнымi камандамi на веданне гiсторыi Еўрапейскага Саюза i гiсторыi Еўропы. Пераможцам стала каманда Ждановiцкай СШ.
У 2005 годзе конкурс праходзiў у два этапы: рэгiянальныя паўфiналы і фiнал у Мiнску. Пераможцам конкурсу стала каманда Расонскай СШ iмя П.Машэрава.
У 2006 годзе тытул пераможцаў па выніках паўфіналаў і фіналу перайшоў да каманды Славянскай гімназіі з Бабруйска.
У 2007 годзе конкурс праходзiў у адзiн этап, пераможцам якога стала каманда Еўраклуба «Дзе я?» (г. Ліда).
У 2008 годзе конкурс зноў праходзіў у два этапы: першы тур (паўфінал) – пісьмовы тэст, другі тур (фінал) – камандныя спаборніцтва. Пераможцамі ўпершыню сталі школьнікі са сталіцы – каманда мінскай СШ № 207.
Каманды-пераможцы конкурсу ўзнагароджваліся паездкамі ў Варшаву, Брусель, Вільню, Кіеў.
Конкурс 2009 года будзе праходзіць у межах агульнанацыянальнай культурніцкай кампаніі “Будзьма беларусамі!” на тэму:
“Беларуская культура ў еўрапейскім кантэксце”.
Заданні конкурсу па наступных падтэмах:
- Гісторыя беларускай культуры ў еўрапейскім кантэксце;
- Гісторыя і традыцыі краін Еўрапейскага Саюза;
- Сучасная беларуская культура як частка агульнаеўрапейскай культуры.
Конкурсныя заданні арыентаваныя на вучняў 7-9 класаў, каманда складаецца з 5 вучняў і кіраўніка.
Конкурс 2009 года будзе праходзiць у два этапы:
- Паўфінал.
- Фiнал.
Каманда-пераможца конкурсу “Што я ведаю пра Еўропу?” будзе ўзнагароджана паездкай у культурную сталіцу Еўропы 2009 года – Вільню.
Каманды, якія зоймуць другое і трэцяе месца, атрымаюць магчымасць паўдзельнічаць у экскурсіях па культурна–гістарычных мясцінах Беларусі.
Удзельнікі каманды, што зойме чацвёртае месца, атрымаюць каштоўныя падарункі ад арганізатараў конкурсу і кампаніі “Будзьма беларусамі!”.
Паважаныя сябры, калі Вы зацікаўлены прыняць удзел у конкурсе “Што я ведаю пра Еўропу?”, просім Вас да 15 красавіка даслаць заяўку на ўдзел на электроны адрас [email protected] па наступнай форме:
Заяўка.
Мясцовасць:
Навучальная ўстанова:
Кіраўнік каманды:
Узрост удзельнікаў каманды:
Кантакты: маб.тэл. mail:
Чакаем Вашых заявак і актыўнага ўдзелу ў конкурсе!
