Легендарны гурт «Крама» пры падтрымцы грамадскай кампаніі «Годна» прэзентуе кліп на песню «Дапіў віно» і анансуе выхад новага альбома «Зацьменны блюз» 12-га траўня.
Музыка — Ігар Варашкевіч.
Словы — Фелікс Аксёнцаў.
Directed by Aliaksei Krysa.
У здымках кліпа паўдзельнічалі сябры гурта: Дзяніс Дудзінскі, Хауа Амуда, Уладзімір Пугач і Аляксандр Памідораў.
— Гэтая песня з тых, якія як напісаныя, так і запісаныя, — каментуе фронтмэн гурта Ігар Варашкевіч. — У яе і тэкст вельмі просты і кароткі. Гаворка ў ім ідзе пра сяброў, якія сабраліся праз гадоў 20-30 і аддаюцца ўспамінам. Але адзін з іх пастаянна «пантуецца», ды астатнія прапануюць яму з’ехаць на таксоўцы альбо выйсці ў акно. Як часта гэта робіцца, кліп не зусім прывязаны да сэнсу. На 50% гэта імправізацыя — як і выбар персанажаў ды акцёраў, якія ўсе адразу натхніліся задумай ды пагадзіліся паўдзельнічаць без усялякіх ганарараў. У выніку атрымалася менавіта тое, што мы хацелі!
Рэжысёр кліпа — даўні сябра сям’і Ігара Варашкевіча. Яго фота можна знайсці на вокладцы альбома «Крамы» «Што дапаможа нам» (1998). Гэта не першая яго супраца з гуртом — у якасці студэнцкай працы з-пад яго пяра з’явіўся кліп на песню «Неба».
Кліпам «Дапіў віно», «Крама» анансуе выхад новага альбома «Зацьменны блюз» — дзявятага ў дыскаграфіі генералаў айчыннага року, які выйдзе на ўсіх лічбавых пляцоўках 12-га траўня. Увечары таго ж дня гурт прэзентуе альбом вялікім анлайн-канцэртам.
Квіткі на анлайн-канцэрт тут.
