Беларускі Свабодны тэатр і Цэнтр беларускай салідарнасці аб’яўляюць конкурсны набор маладых людзей з Беларусі і Украіны ва ўзросце 14-17 гадоў на курс «Вольны Артыст», піша @BelarusWithUkraine.
Тэатральная лабараторыя будзе дзейнічаць у Варшаве. Заняткі па акторскім майстэрстве, сцэнічным руху і сцэнічнай мове будуць праводзіць педагогі і акторы Беларускага Свабоднага тэатра. Па выніках паўгадавой працы тэатральнай лабараторыі будзе створаны спектакль для паказу як у Польшчы, так і за яе межамі.
На дадзены курс прымаюцца маладыя людзі, схільныя да творчасці і жадаючыя развівацца ў тэатральным кірунку. Рашэнне аб прыёме будзе прымаць педагагічны склад па выніках гутаркі. Заняткі пачнуцца ў сярэдзіне траўня і будуць праводзіцца штотыдзень у выходныя дні на базе Цэнтра беларускай салідарнасці.
Заяўку з кароткай інфармацыяй пра сябе высылайце на email info@belarusfreetheatre.com альбо тэлефануйце па нумары +48694532858
