Летні фэст “Прышчэпка” пройдзе ў Маладзечне! – 25 жніўня

20.08.2018 Афіша

25 жніўня з 12.00 да 21.00 у дворыку Мінскага абласнога краязнаўчага музея ў Маладзечне ( вул. Партызанская, 3) адбудзецца летні фэст “Прышчэпка”.

фэс прышчэпка

У апошнюю суботу лета ўнутраны дворык Мінскага абласнога краязнаўчага музея ператворыцца ў пляцоўку для адпачынку, камунікацыі, творчасці і адкрытага дыялогу на тэму таго, як зрабіць наш горад яшчэ лепш!

Фэст атрымаў такую ​​назву невыпадкова. Для маладзечанцаў слова “прышчэпка” азначае не толькі прадмет, але з’яўляецца яшчэ і ўнікальным гарадскім сімвалам, які азначае «месца сустрэчы» – ля помніка ў гарадскім парку. Часта можна пачуць у размове маладзечанцаў: “Сустрэнемся дзе?” – “Ля прышчэпкі”.

Фэст пройдзе пад слоганам «Чапляйся да нас!», што азначае: далучайся да актыўных, неабыякавых і ініцыятыўных людзей нашага горада. Іншымі словамі, стань адным з нас! Што важна: фэст робяць жыхары нашага горада. Яны, як прышчэпкі на адной вяровачцы, аб’яднаныя агульнай справай.

У праграме мерапрыемства:

  • добрая музыка
  • майстар-класы для дарослых і дзяцей
  • дыскусійная пляцоўка
  • фудкорт
  • маркет
  • зона настольных гульняў
  • дзіцячая зона з аніматарамі
  • зона абмену
  • кулінарнае шоу і многае іншае!

Падрабязнасці праграмы мерапрыемства можна будзе знайсці тут.

УВАХОД ВОЛЬНЫ!

Арганізатары: Адукацыйны цэнтр “Адкрытая прастора” сумесна з Мінскім абласным краязнаўчым музеем, Дзіцячым цэнтрам ранняга развіцця “Планета грамацеяў”, Дзіцячым цэнтрам развіцця “MamaRada”, грамадскай культурніцкай кампаніяй “Будзьма беларусамі!” , ТАА “Редбар”, Клубам настольных гульняў “Імперыя” і іншымі арганізацыямі, а таксама актыўнымі і неабыякавымі жыхарамі нашага горада. Ідэйнымі натхняльнікамі мерапрыемства выступілі культурны менеджэр Ганна Холад і сузаснавальнік Адукацыйнага цэнтра «Адкрытая прастора» Валянціна Сідоркіна.

Паводле арганізатараў