закрыць

Маладая беларуская проза ў музеі Багдановіча – 18 лютага

12.02.2018 Афіша

Пяць дэбютных кніг выйшла напрыканцы 2017 – пачатку 2018 года ў серыі “Пункт адліку” “Кнігарні пісьменніка”. 18 лютага Школа маладога пісьменніка пры СБП, Саюз беларускіх пісьменнікаў і літаратурны музей імя Максіма Багдановіча запрашаюць на сустрэчу з маладымі аўтарамі ўсіх, хто цікавіцца сучасным літаратурным працэсам у Беларусі.

proza

Пачатак імпрэзы: 15.00

Адрас: літаратурны музей Максіма Багдановіча, вул. М. Багдановіча, д. 7а.

Уваход вольны.

Пісьменнікі-дэбютанты скончылі другі курс Школы маладога пісьменніка пры СБП. Кнігамі сталіся іх літаратурныя праекты, над якімі кожная аўтарка і аўтар працавалі цягам навучальнага года пад куратарствам адной з выкладчыц Школы Ганны Бутырчык, Наталлі Паваляевай альбо Людмілы Рублеўскай.

Дзве са згаданых кніг – аповесці: “Ген зямлі” Аліны Длатоўскай і “Русалкі клічуць” Зараславы Камінскай і тры кнігі кароткай прозы: “Каханні” Ніны Лістоты, “Переведи меня” Веры Філенка і “Они” Сяргея Шаматульскага.

Гэты камандны дэбют не застаўся незаўважаным, кнігі някеспка купляюцца ў кнігарнях, а аповесць “Русалкі клічуць” на сёння адна з самых абмеркаваных кніг за 2017 год.

Апроч аўтараў удзел у імпрэзе возьмуць выкладчыцы Школы і старшыня СБП Барыс Пятровіч. Вядучыя імпрэзы – куратаркі Школы маладога пісьменніка Алена Казлова і Юля Цімафеева.

Прэс-служба ГА “Саюз беларускіх пісьменнікаў”

Апошняе
на Budzma.org

чытаць яшчэ

Папулярнае

чытаць яшчэ

Афіша

Выстава «Рэха мадэрнізму. Ад Манэ да Кандзінскага» ў Мінску

25.10.2024 17:00 - 19.01.2025 20:00 Нацыянальны цэнтр сучасных мастацтваў (пр-т Незалежнасці, 47)
Мінск Выставы

Выстава DZIADY ў Познані

28.11.2024 19:00 - 15.01.2025 20:00 фундацыя КУТ (Kramarska, 32)
Познань Выставы

Выстава Алеся Сушы «Добры вечар добрым людзям!» у Мінску

01.12.2024 15:00 - 17.01.2025 18:00 музей Янкі Купалы (вул. Янкі Купалы, 4)
Мінск Выставы
© 2008-2025, Budzma.org