Беларуская мастачка, якая цяпер жыве ў Вільні, Ганна Сусліна зладзіла сімвалічную акцыю падтрымкі Украіны.
За кожныя 5 еўра, ахвяраваныя на карысць фонду, што падтрымлівае Украіну (дзецям, жывёлам, медыкам, валанцёрам, уцекачам, арміі), дзяўчына абяцае даслаць паштоўку. Дызайн можна выбраць з трох наяўных варыянтаў.
Як гэта працуе?
Робіце ахвяраванне на падтрымку Украіны і захоўваеце пацверджанне пераводу (павінен быць зроблены не раней часу абвяшчэння акцыі – 22.00 22 сакавіка).
Разам са сваім адрасам дасылаеце скрыншот пацверджання пераводу мастачцы ў прыватным паведамленні.
Выбіраеце дызайн паштоўкі і чакаеце прывітанне з Вільні ў сваёй паштовай скрынцы.
