Пра гэта паведамляеццана сайце арганізацыі.
«ПЦ "Мемарыял" быў створаны як няўрадавая грамадская арганізацыя і пачынаў працаваць у гады, калі наша краіна расставалася з таталітарным мінулым. Нам, як і многім, здавалася, што тое, што адбываецца незваротна. Мы лічылі, што не можа быць вяртання да палітычных рэпрэсій, да знішчэння свабоды слова, сходаў, аб’яднанняў, да поўнага бяспраўя чалавека перад чыноўнікамі, супрацоўнікамі "праваахоўных" органаў і спецслужбаў. Мы спадзяваліся, што Расія ідзе да свабоды, што гэтая дарога — доўгая і цяжкая — вядзе наперад, да дэмакратыі, да вяршэнства права, да павагі правоў чалавека.
Мы памыліліся. Аказалася, што вяртанне да таталітарнага мінулага магчыма, яно адбываецца цяпер, на вачах усяго свету. Расія зноў паказала чалавецтву "асаблівы шлях", ісці па якім не варта.
У гэтым ёсць і наша віна: ведаючы, што барацьба за свабоду не скончана, што адстойванне сваіх і агульных правоў — гэта штодзённая праца, справа кожнага, каму неабыякава будучыня Расіі — мы не змаглі пераканаць у гэтым расійскае грамадства. Не змаглі мы пераканаць суайчыннікаў і ў тым, што наша краіна павінна быць свабоднай і сучаснай, што не варта ў пошуках слаўнай будучыні паўтараць мінулае, ператвараючы Расію ў глухі запаведнік "кансерватыўных скрэп". У выніку краіна, якая паверыла абяцанням "велічы", была пастаўлена на калені.
Але насуперак усяму мы ўпэўненыя, што рух за правы людзей здушыць не атрымаецца. У рэшце рэшт, рускі вызваленчы рух налічвае не адну сотню гадоў, і ён працягнецца нягледзячы на любыя перашкоды. Раней ці пазней Расія будзе свабоднай», — выказваюць надзею аўтары заявы.
Міжнароднае гісторыка-асветніцкае, праваабарончае і дабрачыннае таварыства «Мемарыял» — няўрадавая арганізацыя, асноўнай задачай якой першапачаткова было даследаванне палітычных рэпрэсій у СССР. Уяўляе сабой Садружнасць дзясятка арганізацый у Расіі, Германіі, Казахстане, Італіі, Чэхіі, Бельгіі, Францыі і Украіне, якія вядуць даследчую, праваабарончую і асветніцкую працу.
