Амерыканская карпарацыя Microsoft адключыла карыстальнікам з Беларусі і Расіі магчымасць спампаваць са свайго афіцыйнага сайта аперацыйныя сістэмы Windows 10 і Windows 11, а таксама некаторыя іншыя прадукты.
Пры спробе спампаваць з сайта Microsoft з Беларусі сродак стварэння вобразаў дыска з Windows 10 і Windows 11 пад назвай Media Creation Tool карыстальнік бачыць памылку 404 (файл або дырэкторыя не знойдзеныя).
У той жа час з уключаным VPN загрузка Media Creation Tool з сайта Microsoft пачынаецца.