Пра гэта музыка заявіў на афіцыйным ютуб-канале свайго творчага аб’яднання. Музычны тур распачнецца 8 красавіка ў Рызе і завершыцца 7 мая ў Варшаве.
Гурт выступіць у Рызе 8 красавіка, Таліне 9 красавіка, Вільні 11 красавіка, Берліне 15 красавіка, Гамбургу 16 красавіка, Нюрнбергу 17 красавіка, Празе 20 красавіка, Брно 22 красавіка і Варшаве 7 траўня. Атрыманыя з канцэртаў сродкі пойдуць на дапамогу Украіне.
«Ляпис Трубецкой» выступіць у амаль у новым складзе, з мінулага складу засталіся толькі Сяргей Міхалок і бубнач Аляксандр Старажук. Сярод новых музыкаў бас-гітарыст Алесь-Францішак Мышкевіч, гітарыст Павел Вялічка, саксафаніст Андрэй Барыла і гукарэжысёр Яраслаў Таміла.
Песня «Воины света» гурта «Ляпис Трубецкой» стала гімнам «Еўрамайдана» у 2014 годзе. Напрыканцы лета таго ж года Сяргей Міхалок распусціў гурт «Ляпис Трубецкой». У верасні музыкі стварылі два новыя гурты: Міхалок — «Brutto», а бэк-вакаліст гурта Павел Булатнікаў — «Trybetskoy». Затым Сяргей Міхалок заснаваў яшчэ два гурты — «Ляпис 98» і «Drezden». З 2015 года Сяргей Міхалок жыў ва Украіне. У 2020 годзе прэзідэнт Уладзімір Зяленскі надаў Міхалку званне «Заслужанага артыста Украіны».