Міжнародны фестываль  “У госці да Лепельскага Цмока” адбудзецца 20 жніўня 2017г. ва Урочышчы Цмока (г. Лепель, гарадскі парк). Старт фестывалю ў 11.00.

Музычны алімп

11⁰⁰-11²⁰      Арганізатарам ёсць што сказаць!

11²⁰-12⁰⁰      Прэзентацыі ўдзельнікаў фестывалю.

12⁰⁰-13⁰⁰      Моладзевы этна-праект  “Патрыцыя- Гарэза”  і іншыя юныя дараванні.

13⁰⁰-13³⁰      Фолк-этна гурт “Малала” .

13³⁰-14⁰⁰     Фальклорны гурт “Варган” (г. Полацк)

14⁰⁰-14⁴⁰     Музычны гурт “Лепшы квас”.

Сучасная музыка ў стылі поп-панк-рок .

14⁴⁰-15²⁰      Поп-рок гурт “Тутэйшыя”.

15²⁰-16⁰⁰      Дуэт “Агата” – новая музыка ў спалучэнні беларускага фальклору, еўрапейскага этна-джазу і лацінаамерыканскага танга.

16⁰⁰-16⁴⁰     Гурт “Нarmonic Style Project”

16⁴⁰-17⁴⁰ Аўтарскія песні на словы беларускіх паэтаў.

Спявае Зміцер Вайцюшкевіч.

17⁴⁰-18³⁰ Традыцыйны ўдзельнік фестывалю. Фолк-рок гурт “Рокаш”.

18³⁰-19⁰⁰ Далучаемся да “Спеўнага сходу” з Сержуком Доўгушавым .

19⁰⁰-20³⁰ Легенда беларускага фолку Алег Хаменка і гурт “Палац”.

20³⁰-22⁰⁰ Вітаем гасцей з Украіны. Гурт “TaRuta”

Дзіцячы пагорак

12³⁰ Для дзетак казкі, гульні, забаўлянкі ладзіць казачніца Ларыса Рыжкова (гурт “Калыханка”).

Для самых маленькіх – лялечны спектакль у выкананні сапраўдных артыстаў.

Танцавальная лагчына

Прапануе актыўным і цікаўным майстар-класы па музыцы, спевах, танцах і не толькі.

Майстар-клас па традыцыйных танцах ад гурта “Варган” (г. Полацк)

раскрые шматлікія таямніцы беларускай культуры.

І ўжо зусім па сакрэце: у 15⁰⁰ адбудзецца прэзентацыя кнігі “Кулінарная спадчына Лепельшчыны”.

Даліна майстроў

Пазнаёміць з таленавітымі людзьмі, якія сваімі рукамі ствараюць цуд.

Вы зможаце набыць унікальныя рэчы, сапраўдныя творы мастацтва і народных промыслаў.

Кулінарны востраў

Тут пануе магія смаку. Найлепшыя кулінары, гаспадары аграсядзіб і ўвішныя гаспадыні чакаюць вашага прыходу!

Смачна есці!

Турыстычнае ўзбярэжжа

Не прамініце!

Магчыма, менавіта на бацькаўшчыне вас чакае найлепшы адпачынак і ваш лёс.

Турыстычныя ўстановы Беларусі прапануюць вам паслугі на любы густ і магчымасці.

Магічны яр

Запрашае ўсіх ахвочых узяць удзел у шоў паветраных змеяў. Дапускаюцца іншыя неапазнаныя лятучыя аб’екты. Самыя загадкавыя і міфічныя будуць узнагароджаныя каштоўнымі падарункамі.

Лепельскі Цмок чакае гасцей! Ён упэўнены, што разам мы файна прабавім час!