5 лістапада ў музеі кнігі ў рамках міжнароднай навуковай канферэнцыі “Вялікае Княства Літоўскае: палітыка, эканоміка, культура” адбылася прэзентацыя выстаўкі “На скрыжаванні шляхоў: беларускія землі на старажытных картах і ў рэчавых помніках ХV–XVIII стст”.
З прывітальнымі словамі да удзельнікаў канферэнцыі і гасцей мерапрыемства звярнуліся намеснік дырэктара па навуковай рабоце і выдавецкай дзейнасці Нацыянальнай бібліятэкі Беларусі Аляксандр Аляксандравіч Суша, дырэктар Інстытута гісторыі НАН Беларусі Вячаслаў Віктаравіч Даніловіч, а таксама мастак, дызайнер, рэстаўратар і калекцыянер Ігар Вячаслававіч Сурмачэўскі.
На выстаўцы экспануюцца старадрукі, еўрапейскія карты і атласы ХV–XVIII стст., асобныя выданні расійскай картаграфіі XVIII ст. і рэчавыя помнікі беларускага насельніцтва XV–XVIII cтст. з фондаў Нацыянальнай бібліятэкі Беларусі, Інстытута гісторыі НАН Беларусі і з прыватнай калекцыі І.В. Сурмачэўскага.
Выстаўка дэманструецца ў музеі кнігі (3-ці паверх, пам. 348) да 30 лістапада 2015 г.
Кантактны тэлефон: (8 017) 293 25 85.
