Сярод іх паэтка Ксенія Сырамалот, паведамляюць праваабаронцы.
10 фігурантаў «справы студэнтаў» сёння выйшлі на волю, гэта Яна Арабейка, Кася Будзько, Вікторыя Гранкоўская, Анастасія Булыбенка, Марыя Каленік, Алана Гебрэмарыям, Вольга Філатчанкава, Ягор Канецкі, Ілля Трахтэнберг і Ксенія Сырамалот.
Ксенія Сырамалот — паэтка, студэнтка факультэта філасофіі і сацыяльных навук БДУ, спецыяльнасць «Сацыяльныя камунікацыі», прэс-сакратарка Задзіночання беларускіх студэнтаў, валанцёрка Праваабарончага цэнтра «В***а». Яе вершы друкаваліся ў часопісе «Маладосць». Восенню 2020 года Ксенія Сырамалот брала ўдзел у запісе відэазвароту студэнтаў і выкладчыкаў БДУ супраць гвалту.