Ён навучаў актораў правільнаму сцэнічнаму вымаўленню. Пра смерць Андрэя Каляды паведамілі «Ра*ыё Св*бо*а» ў ў сям'і нябожчыка.
Андрэй Каляда нарадзіўся 3 чэрвеня 1940 у вёсцы Панямонь на Навагрудчыне. Быў вядомым літаратуразнаўцам і педагогам, дасведчаным знаўцам тэатра, кандыдат педагагічных навук, прафесар. Займаў пасаду прарэктара Беларускай акадэміі мастацтваў з 1989 па 2008 гады, стварыў народны літаратурны тэатр «Жывое слова».
Развітацца з прафесарам Калядой можна будзе 15 кастрычніка а 12.00 гадзіне на Паўночных могілках.
Кнігу Андрэя Каляды «Беларускае літаратурнае вымаўленне» можна спампаваць у інтэрнэт-бібліятэцы kamunikat.org. Выданне дае звесткі пра асаблівасці літаратурнага вымаўлення, артыкуляцыю галосных і зычных гукаў беларускай мовы і можа быць карысным для ўсіх, хто хоча самастойна вывучыць і засвоіць арфаэпічныя нормы беларускай мовы.
