Калі вы раптам яшчэ не вызначыліся, як цікава і з карысцю правесці выходныя, мы падкажам. Лекцыі, свята першага ўкоса, велаквэст, выставы, творчая сустрэча з паэткай, прэзентацыя кнігі, кніжны кірмаш, вясновы пікнік, дзіцячы фестываль мастацтваў — выбірайце мерапрыемствы ў сваім горадзе і на свой густ!
Беларусь
Мінск і Мінская вобласць
У нядзелю, 28 траўня, завітайце у Палац мастацтваў на лекцыю мастака Андрэя Пічушкіна «Навошта мастакі слухаюць музыку».
Вы даведаецеся, як мастакі шукалі спосабы адлюстраваць гук і як музыка натхняе і ўплывае на візуальнае ўвасабленне.
У суботу, 27 траўня, у музеі народнай архітэктуры і побыту ў Азярцы — свята першага ўкоса.
Вас чакае:
Расповед пра свята першага ўкоса, прылады працы на сенакосе і нарыхтоўку сена;
Талочныя і застольныя беларускія песні
Конкурс на самага лепшага касца
Майстар-клас па пакосе травы
Майстар-клас па вырабу лялькі з травы
Майстар-клас па вывучэннм беларускіх народных песень
Беларускія танцы і гульні пад скрыпку і гармонік.
Брэст
У суботу, 27 траўня, 4roomclub кліча на вечаровыя квэставыя пакатушкі!
Усё, што вам трэба для паспяховых пакатушак, — гэта добры настрой і зараджаны на 100% тэлефон з выхадам у інтэрнэт. І ровар, вядома!
Тэматыка — вечаровая. Так-так, літаральна!
Рыхтуйцеся перамяшчацца на роварах па горадзе, разгадваючы заданні на логіку і збіраючы новыя цікавосткі пра горад!
Гомель
Толькі ў адзін гэты дзень можна пабачыць выставу знакамітага майстра-разьбяра Барыса Міхайлавіча Васількова «Векавыя дубы Васількова»!
Барысу Міхайлавічу напярэдадні выставы споўніцца 94 гады! Разьбой па дрэве ён пачаў займацца яшчэ падлеткам. А ўсе экспанаты да гэтай выставы майстар зрабіў у гэтым годзе.
На выставе можна ўбачыць чатырнаццаць твораў з чорнага дуба, якія гавораць пра яднанне чалавека з сусветам дзікай прыроды, сімвалаў і гаспадаркі.
Літва
Вільня
У суботу, 27 траўня, у Цэнтры беларускай супольнасці і культуры прэзентуюць кнігу вершаў і перакладаў Аляксея Дзікавіцкага «Світумузыка», напісаную на палескай гаворцы з ваколіцаў Пінску.
Польшча
Варшава
У суботу, 27 траўня, у Варшаве адбудзецца прэзентацыя арт-бука мастачкі Анастасіі Рыдлеўскай «Дзе твой твар».
Вы пачуеце ад спадарыні Насты перфарматыўны расказ пра стварэнне яе кнігі, чытанне рытмізаванай прозы акторкі Яўгеніі Давідзенка пад эмбіент-сэт DJ czuły (Улада Блызнюка).
У чацвер, 25 траўня, у Варшавае распачаў працу Міжнародны кніжны кірмаш, удзел у ім бяруць і беларускія выдавецтвы. Абяцаюць мноства імпрэз, прэзентацый ды творчых сустрэч!
Праграма тут.
Эстонія
Талін
У суботу, 27 траўня, у Таліне адбудзецца творчая сустрэча з паэткай Ганнай Комар. Спадарыня Ганна прывязе свае кнігі і навінкі выдавецтва Skaryna Press, пачытае вершы (яна гэта робіць прыгожа і кранальна) і будзе радая пазнаёміцца з беларусамі Эстоніі.
ЗША
Н'ю-Ёрк
У нядзелю, 28 траўня, прыязджайце ў Саўт Рывэр на ўшанаванне памяці двух выбітных асоб з паваеннай хвалі эміграцыі — гісторыка і публіцыста Янкі Запрудніка і паэта Міхася Кавыля.
Падчас імпрэзы прэзентуюць кнігу Міхася Кавыля «Выбранае», выдадзеную сёлета «Бібліятэкай Бацькаўшчыны».
Выступяць укладальнік і рэдактар кнігі — вядомыя беларускія эміграцыязнаўцы Наталля Гардзіенка (Менск, Вільня) і Лявон Юрэвіч (New York).
Бостан
У суботу, 27 траўня, беларусы Бостана збіраюцца на традыцыйныя вясновыя дранічкі!
У праграме традыцыйныя танцы, спевы, дабрачынны кірмаш і, вядома, ДРАНІКІ!
Канада
Таронта
У суботу, 27 траўня, фольк-гурты «Яваровы людзі» і «Яваровы дзеці» і Згуртаванне Беларусаў Канады ладзяць у Таронта дзіцячы фэст мастацтваў «Залатыя ключы».
Запрашаюць дзетак і юнакоў выступіць з любымі крэатыўнымі праектамі: спевы, танцы, музыка, мастацтва, кібермастацтва, тэатр, цырк, прыгожае пісьменства і г.д.!
Больш беларускіх падзеяў шукайце ў нашай Афішы.
Калі сярод прапанаваных варыянтаў не знайшлося нічога па душы, раім выправіцца ў вандроўку па Беларусі. Скласці цікавы маршрут дапаможа наша рубрыка «Вандруем разам».
Каб не прапусціць нічога цікавага, раім падпісацца на адмысловы тэлеграм-бот «Будзьма разам!», які дапамагае падпісчыкам незалежна ад месца пражывання даведацца пра беларускія мерапрыемствы ў сваім горадзе, краіне і нават па ўсім свеце!
Карыстацца ім вельмі проста: выбірайце той ці іншы горад або ўсю краіну, падпісвайцеся асобна на ўсе анлайн-мерапрыемствы ці выбірайце варыянт all inclusive — усе беларускія падзеі свету (у тым ліку і анлайн-мерапрыемствы). А пасля — сачыце за беларускім дзвіжам і далучайцеся!
А па гэтай спасылцы можна знайсці афішу бясплатных мерапрыемстваў.Больш беларускіх падзеяў шукайце ў нашай Афішы.
