Калі вы раптам яшчэ не вызначыліся, як цікава і з карысцю правесці выходныя, мы падкажам. Выставы, RovarFest, вечарыны, спектаклі, канцэрты, майстар-класы, сустрэча з паэткай — выбірайце мерапрыемствы ў сваім горадзе і на свой густ!
Беларусь
Мінск і Мінская вобласць
Мінск
Выстава «Мінск: учора, сёння, заўтра» ў Мінску
Прыходзьце паглядзець на Мінск вачыма мастакоў-пачаткоўцаў!
Юр’я ў Азярцы
У суботу, 6 траўня, у музеі народнай архітэктуры і побыту ў Азярцы святкуюць Юр’я. Падай, Юр’я, да ключы з неба!
Юр’я — свята ў гонар заступніка жывёл, ахоўніка жывёлагадоўлі і земляробства. У народзе лічылася, што Святы Юрый адмыкае залатымі ключамі зямлю і выпускае расу.
Вас чакае вельмі насычная і цікавая праграма. Завітвайце!
Напалеонаўскія войны ў Дукоры
Гэтымі выходнымі, 6 і 7 траўня, у Дукорскім маёнтку - напалеонаўскія выходныя. Перад вашымі вачыма паўстануць ваяры часоў эпохі Напалеона. Абяцаюць рэканструкцыю дзеянняў пяхоты і кавалерыі, расповеды пра зброю і рыштунак і не забудуцца пра вытанчаныя танцы таго часу, якім кожны зможа навучыцца.
Дата: 6 і 7 траўня
Час: з 12.00 да 18.00 (час мясцовы)
Месца: Дукорскі маёнтак, вул. Школьная, 12, аг. Дукора, Пухавіцкі раён, Мінская вобл.
Віцебск
Выстава выцінанкі Наталлі Каньковай у Віцебску
На выставе можна пабачыць праект, злучаны з некалькіх серый прац 2014-2023 гадоў. Спадарыня Наталля эксперыментуе з памерам выцінанкі (ад запалкавай каробкі да вялізных прасцін), з матэрыяламі, з размяшчэннем у прасторы. Прыходзьце паглядзець!
Гродна
RovarFest-2023 у Гродне
Падрыхтуйцеся: у суботу, 6 траўня, у Гродне будзе шмат ровараў, бо тут чакаецца велапрабег RovarFest.
Літва
Вільня
Вечарына у гонар Сержука Сокалава-Воюша ў Вільні
Вы дакладна чулі ягоны паланэз Агінскага «Развітанне з Радзімай» у цудоўным беларускім перакладзе ці нізку «Песні касінераў». Песні спадара Сержука пад гітару выканае музыка-аматар, студэнт ЕГУ Георгі Брыцько. А спадар Сяржук будзе на анлайн-сувязі з ЗША — рыхтуйце пытаннечкі! Адмысловая анлайн-госця — спявачка Таццяна Грыневіч.
Выстава Яўгена Шадко і Сяргея Грыневіча «ДЫЯЛОГІ» ў Вільні
Гэты праект — размова двух выдатных беларускіх сучасных мастакоў: Яўгена Шадко і Сяргея Грыневіча. У сваіх творах Яўген Шадко часцей за ўсё робіць акцэнт на асобах і частках цела. Серыя партрэтаў прадстаўляе характары, асобы, застылыя ў часе, у імгненні. Анатамічныя часткі цела часта ссоўваюцца, відазмяняюцца, фрагментуюцца; чалавек на карціне існуе ў розных сітуацыях і адначасова. Такім чынам, героі вырываюцца з асабістых гісторый. У творах Сяргея Грыневіча спалучаюцца рэалістычныя і абстрактныя прыёмы. Карціны запамінаюцца каларытнасцю і нестандартнай кампазіцыяй.
Польшча
Варшава
Спектакль «Паслядзяцінства. Паслябегства» ў Варшаве
Гэтымі выходнымі, 6 і 7 траўня, у Музеі Вольнай Беларусі — новы паказ другой часткі спектакля «Паслядзяцінства. Паслябегства», які так упадабалі беларусы Варшавы. Гэта працяг спектакля, заснаванага на дакументальных гісторыях беларускіх ды ўкраінскіх падлеткаў, якія страцілі радзіму і пражываюць няпростую адаптацыю ў чужой краіне. Спектакль створаны акцёрамі-падлеткамі, удзельнікамі тэатральнай майстэрні «Свабоднага тэатра».
Торунь
Руся ў Торуні: спевы замест тэрапіі
6 траўня ў Торуні адбудзецца лекцыя-выступ спявачкі Русі «Як нашы продкі выкарыстоўвалі сьпевы замест тэрапіі».
Лодзь
Сустрэча з паэткай Вандай Марцінш душ Рэйш у Лодзі
6 траўня ў Лодзі адбудзецца сустрэча з Вандай Марцінш душ Рэйш. Падчас сустрэчы спадарыня Марцінш раскажа пра кнігу Далі Грынкявічутэ «Літоўцы ля мора Лапцевых» і яе пераклад, а таксама пра сваю паэтычную творчасць.
Чэхія
Прага
Дзень Заходняга Палесся ў Празе
У суботу, 6 траўня, Беларускі інстытут у Празе ладзіць Дзень Заходняга Палесся.
А 15-й пачнецца лекцыя Іны Каліты «Моўны ландшафт Заходняга Палесся — гісторыя вывучэння і спробы стварэння літаратурнай мовы». Даследчыца, кандыдатка філалагічных навук распавядзе пра навуковае вывучэнне гаворак Заходняга Палесся і спробы выкарыстання заходнепалескай мікрамовы ў беларускай пісьменнасці.
А ў 16.00 Аляксей Дзікавіцкі прэзентуе свой новы зборнік «Світумузыка», напісаны палескай гаворкай.
Германія
Берлін
Танцы звяроў! Майстар-клас Вячаслава Іназемцава ў Берліне
7, 8 і 9 траўня майстар пластычнага тэатру, кіраўнік тэатра «ІнЖэст» Вячаслаў Іназемцаў ладзіць у Берліне майстар-клас «Танцы звяроў. Нараджэнне руху з духу імправізацыі».
Больш беларускіх падзеяў шукайце ў нашай Афішы.
Калі сярод прапанаваных варыянтаў не знайшлося нічога па душы, раім выправіцца ў вандроўку па Беларусі. Скласці цікавы маршрут дапаможа наша рубрыка «Вандруем разам».
Каб не прапусціць нічога цікавага, раім падпісацца на адмысловы тэлеграм-бот «Будзьма разам!», які дапамагае падпісчыкам незалежна ад месца пражывання даведацца пра беларускія мерапрыемствы ў сваім горадзе, краіне і нават па ўсім свеце!
Карыстацца ім вельмі проста: выбірайце той ці іншы горад або ўсю краіну, падпісвайцеся асобна на ўсе анлайн-мерапрыемствы ці выбірайце варыянт all inclusive — усе беларускія падзеі свету (у тым ліку і анлайн-мерапрыемствы). А пасля — сачыце за беларускім дзвіжам і далучайцеся!
А па гэтай спасылцы можна знайсці афішу бясплатных мерапрыемстваў.Больш беларускіх падзеяў шукайце ў нашай Афішы.
