Калі вы раптам яшчэ не вызначыліся, як цікава і з карысцю правесці выходныя, мы падкажам. Паэтычны фестываль, майстар-класы, квэст, ноч правалаў, спектакль, канцэрты — выбірайце мерапрыемствы ў сваім горадзе і на свой густ!
Крыніца: artnow.ru
Беларусь
Мінск і Мінская вобласць
У нядзелю, 12 лютага, у Дукорскім маёнтку — Дзень усіх закаханых! Будзе шмат чаго цікавага: майстар-класы, лекцыя-квіз, рамантычная музыка і інш. Завітвайце!
На сядзібе Янушкевічаў у Ракаве — веснавы фартэпіянны канцэрт.
Гомель
Хутка Дзень закаханых! І філіял Веткаўскага музея ў Гомелі ладзіць файны майстар-клас да гэтага свята! Прапануюць зрабіць абярэг для закаханых. Лялькі «Неразлучнікі» — сімвал шчаслівага сямейнага саюза. У лялек адна рука, якая аб’ядноўвае жаночую і мужчынскую фігуры. Гэта значыць, што ў жыцці яны будуць разам і ў бядзе, і ў радасці, іх сям’я будзе моцная.
Гэтым разам тэма занятка вольная — вы самі абіраеце, што зляпіць: кубак, талерку, упрыгожванне ці штосьці іншае!
Брэст
4roomclub ладзіць незвычайны квэст у тэатры лялек. Вас чакае процьма таямніц і цікавостак у лабірынце лесвіц, калідораў і памяшканняў, якія стануць гульнявым полем. І вядома, задачы, якія патрабуюць рашэнняў! Вы пабываеце у месцах, звычайна недаступных для наведвання! Файная магчымасць зазірнуць за кулісы!
Літва
Вільня
Штогадовы міжнародны паэтычны фестываль, у якім бяруць удзел паэты з Беларусі і замежных краін, сёлета адбудзецца 10-12 лютага ў Вільні. У праграме фестывалю, які пройдзе на трох культурніцкіх пляцоўках, апроч уласна паэтычных чытанняў, — абвяшчэнне лаўрэата Літаратурнай прэміі Міхася Стральцова, прэзентацыі 100 кніг серыі «Паэты планеты» і 10 новых беларускіх паэтычных зборнікаў.
Гэта тая імпрэза, дзе ў спагадлівай атмасферы можна падзяліцца сваімі прафесійнымі праваламі, памылкамі, няўдачамі, разам пасмяяцца з іх, падзяліцца досведам пра тое, як у вас атрымалася выйсці з гэтых сітуацый, і знайсці сілы рухацца далей.
Польшча
Беласток
Фонд TUTAKA запрашае на майстар-класы па традыцыйным беларускім жаночым спеве з Ірынай Мазюк (вядомая даследчыца беларускага фальклору і спеўнай беларускай традыцыі Палесся і Падляшша, стваральніца калектыва «Кудмень» і іншых спеўных гуртоў).
Варшава
Гэта працяг спектакля, заснаванага на дакументальных гісторыях беларускіх ды ўкраінскіх падлеткаў, якія страцілі радзіму і пражываюць няпростую адаптацыю ў чужой краіне. Спектакль створаны акцёрамі-падлеткамі, удзельнікамі тэатральнай майстэрні «Свабоднага тэатра».
Германія
Берлін
У праграме «З ямкі земляной» вас чакаюць вершы і песні, а таксама гукі пакетпіяна, укулеле і гармоніка. Завітвайце! Будзе цікава!
Дзюсельдорф
У планах: гарбата, кава, піва, прысмакі (прыносьце па магчымасці з сабой), спевы ды танцы, гульні, майстраванні ды маляванні з дзеткамі, падпісванне паштовак ды яшчэ шмат чаго!
Канада
Таронта
10 і 11 лютага наш фантастычны, неверагодны, таленавіты, прыгожы, сціплы і непераўзыдзены бард Зміцер Вайцюшкевіч грае два канцэрты ў Таронта.
Больш беларускіх падзеяў шукайце ў нашай Афішы.
Калі сярод прапанаваных варыянтаў не знайшлося нічога па душы, раім выправіцца ў вандроўку па Беларусі. Скласці цікавы маршрут дапаможа наша рубрыка «Вандруем разам».
Каб не прапусціць нічога цікавага, раім падпісацца на адмысловы тэлеграм-бот «Будзьма разам!», які дапамагае падпісчыкам незалежна ад месца пражывання даведацца пра беларускія мерапрыемствы ў сваім горадзе, краіне і нават па ўсім свеце!
Карыстацца ім вельмі проста: выбірайце той ці іншы горад або ўсю краіну, падпісвайцеся асобна на ўсе анлайн-мерапрыемствы ці выбірайце варыянт all inclusive — усе беларускія падзеі свету (у тым ліку і анлайн-мерапрыемствы). А пасля — сачыце за беларускім дзвіжам і далучайцеся!
А па гэтай спасылцы можна знайсці афішу бясплатных мерапрыемстваў.Больш беларускіх падзеяў шукайце ў нашай Афішы.
