Калі вы раптам яшчэ не вызначыліся, як цікава і з карысцю правесці выходныя, мы падкажам. Лекцыя-канцэрт, літаратурна-музычны вечар, квэст, дыскусіі, спектаклі — выбірайце мерапрыемствы ў сваім горадзе і на свой густ!
Крыніца: materinstvo.ru
Беларусь
Мінск
Лекцыя-канцэрт Алеся Лася «Ад дуды да раяля» ў Мінску
Алесь Лось — уладальнік адзінага ў Беларусі «жывога» музея народных музычных інструментаў, што знаходзіцца на аграсядзібе «Хутар Дудара». Частка інструментаў у музеі была прывезена з этнаграфічных экспедыцый і рэстаўраваная, частка — зробленая па ўзорах аўтэнтычных з музеяў і архіваў (дуда, жалейка, ліра, гудок). Усе яны граюць — менавіта таму музей можна назваць «жывым».
Падчас лекцыі вы даведаецеся пра гісторыю музычных інструментаў ды пачуеце музыку, якую на іх гралі.
Брэст
Квэст у краязнаўчым музеі ў Брэсце
12 сакавіка, у нядзелю, 4roomclub ладзіць незвычайны квэст у краязнаўчым музеі. Квэст не патрабуе спецыяльных ведаў ці навыкаў. Галоўнае — не забудзьцеся зараджаны тэлефон з выхадам у інтэрнэт!
Віцебск
Літаратурна-музычны вечар з моладзевым тэатрам «Ad libitum» у Віцебску
«Аd libitum» — новая тэатральная адукацыя, дзе сабраліся маладыя, закаханыя ў тэатр людзі, якія жадаюць прыбраць рамкі паміж гледачом і акцёрам.
Вас чакае: мастацкае чытанне ад удзельнікаў «Ad libitum», запрошаныя госці з аўтарскімі песнямі і не толькі, інтэрактыўныя акцёрскія трэнінгі, экспромт і інш.
Лекцыя «Сувязь псіхікі і цела» ў Віцебску
Вось пра што пойдзе гаворка:
Што такое псіхіка?
Як псіхіка звязана з целам?
Чаму ў некаторыя моманты цела можа не слухацца?
Чаму можа «ванітаваць» ад нейкіх людзей?
Пра што баліць галава?
Прыходзьце! Будзе цікава!
Літва
Вільня
«Цела і кроў»: паэтычны вечар у Вільні
Добрая нагода сесці разам і прачытаць свае ці чужыя ўлюбленыя тэксты, атрымаць фідбэк ці проста пабыць побач ва ўразлівасці і чутлівасці. Тэма вечара — цела і кроў. Цела метафарычнае і літаральнае, кроў сэрца ці думак. Прапануюць даследаваць, як гэта — жыць чалавекам і несці сябе з сабой. Будзе час для адкрытага мікрафона і для гарбаты!
Коўна
Якой павінна быць рэвалюцыя ў XXI стагоддзі? Дыскусія з Вольгай Шпарагай у Коўне
Прыходзьце абмеркаваць, якое аблічча набывае рэвалюцыя ў 21-м стагоддзі і якія ўрокі мы можам атрымаць з жаночага руху.
Польшча
Варшава
Музычная вечарына пад жырандоляй у Варшаве
У суботу, 11 сакавіка, Рух Беларускай Салідарнасці распачынае ў Варшаве музычныя вечарыны «Пад Жырандоляй». На першай вас чакае жывая музыка, фуршэт і размовы пад келіх віна. Вядомыя музычныя кампазіцыі будзе граць Канстанцін Акінчыц, а экскурс у гісторыю музыкі правядзе Дзяніс Дудзінскі.
Познань
Вячоркі з мастачкай Таняй Тур у Познані
Спадарыня Таня пры свечках раскажа пра свой новы арт-праект, пакажа тэкстыльныя часопісы і кінатызер пра радзіму, моц зямлі, сям’ю і вёску.
ЗША
Мінесота
Зміцер Вайцюшкевіч у Мінесоце
Вас чакаюць найлепшыя хiты i новыя песнi пад гiтару. Фармат — хатняя сяброўская сустрэча з любiмымi песнямi, дзе можна будзе пагутарыць, сфатаграфавацца ды падняць разам келіх віна за Беларусь.
Больш беларускіх падзеяў шукайце ў нашай Афішы.
Калі сярод прапанаваных варыянтаў не знайшлося нічога па душы, раім выправіцца ў вандроўку па Беларусі. Скласці цікавы маршрут дапаможа наша рубрыка «Вандруем разам».
Каб не прапусціць нічога цікавага, раім падпісацца на адмысловы тэлеграм-бот «Будзьма разам!», які дапамагае падпісчыкам незалежна ад месца пражывання даведацца пра беларускія мерапрыемствы ў сваім горадзе, краіне і нават па ўсім свеце!
Карыстацца ім вельмі проста: выбірайце той ці іншы горад або ўсю краіну, падпісвайцеся асобна на ўсе анлайн-мерапрыемствы ці выбірайце варыянт all inclusive — усе беларускія падзеі свету (у тым ліку і анлайн-мерапрыемствы). А пасля — сачыце за беларускім дзвіжам і далучайцеся!
А па гэтай спасылцы можна знайсці афішу бясплатных мерапрыемстваў.Больш беларускіх падзеяў шукайце ў нашай Афішы.
