Раніцай 7 красавіка на Савецкай плошчы ў Гродне з’явіліся малюнкі з сілуэтамі загінуўшых. У такіх жа позах ляжалі на вуліцы горада загінулыя ў Бучы. Іх знайшлі пасля сыходу рускіх войскаў, паведамляе тэлеграм-канал «Право имеют».
Таксама невядомыя мастакі нанеслі на плітку надпіс «Нельга забіваць людзей». Такія ж выявы з’явіліся на Старым мосце ў Гродне. У падземным пераходзе напісалі «Не вайне».
Колькасць забітых у Бучы ідзе на дзясяткі чалавек. Дадзеныя з’яўляюцца кожны дзень — іх знаходзяць у прыватных дамах, парках, пад заваламі. У 90% забітых — кулявыя раненні. Да вайны ў горадзе жылі 50 000 чалавек, цяпер — 3 700, паведамляе Deutsche Welle.
Пасля навін з Бучы Еўропа і ЗША абвясцілі Расіі новыя санкцыі. Бучу наведаў Прэзідэнт Украіны Уладзімір Зяленскі.