16 сакавіка пайшоў у лепшы свет беларускі гісторык, пісьменнік, журналіст, гістарычны белетрыст Мікола Багадзяж. 

«Абаяльны чалавек, заўсёды малады душою, энцыклапедычных ведаў даследчык. Шкада і жалоба — яшчэ адзін добры беларус пакінуў нас, а яны ж так патрэбныя сёння — у ліхую гадзіну», — напісаў пра сябра бібліятэкар і краязнаўца Валерый Герасімаў.

Мікола Багадзяж нарадзіўся 16 тарўня 1957 г. у в.Траянаўка Барысаўскага раёна Мінскай вобл. У 1984 скончыў гістарычны факультэт Беларускага дзяржаўнага ўніверсітэта. Працаваў настаўнікам у вясковых школах Барысаўскага і Дзяржынскага раёнаў Мінскай вобл., у аддзеле археалогіі Інстытута гісторыі НАН Беларусі.

З 1990 года стада працаваў журналістам у газетах «Чырвоная змена», «Новой народной газете», «Цэнтральнай газеце», часопісах «Несси», «Бярозка» і «Неман».

Аўтар шматлікіх навукова-папулярных выданняў і публікацый па гісторыі і культуры Беларусі. 

Сумесна з Ірынай Масляніцынай (жонкай) напісаў кнігі «Слава і няслаўе» (1995), «Радзівілы — нясвіжскія каралі» (1997), «Радзівілы ў эпоху інтрыг і авантур» (2003) і інш. Шэраг артыкулаў прысвяціў радаводу Чапскіх, запісаў пра іх легенды і паданні.

Развітанне адбудзецца ў пятніцу на Паўночных могілках у 12:30.

З некаторымі публікацыямі Міколы Багадзяжа можна пазнаёміцца на старонцы электроннай бібліятэкі kamunikat.org.