Прэм’ера спектакля “Па зялёных гурбах акіяна” паводле п’есы вядомага расійскага драматурга Сяргея Казлова адбудзецца 17 і 18 чэрвеня 2009 г. у 10.30 на сцэне Клуба ім. Дзяржынскага (вул. Камсамольская, 30).
Пастаноўка прымеркавана да Году роднай зямлі і закранае экалагічную праблематыку, вучыць дзяцей любіць прыроду.
Свет трымаецца на “дзіваках”, летуценніках і смяльчаках. Бо імі кіруе Вера, Надзея, Любоў, натхняе іх Неспасціжнасць, Бясконцасць і Прыгажосць. Адным словам – свет трымаецца на Дзяцінстве! І гэтаму не запярэчыш! Бо пакуль нараджаюцца дзеці, існуе і наш свет…
На жаль, многія людзі, сталеючы, назаўжды развітваюцца з Дзяцінствам, кідаюць свае дзівацтвы і мары, губляюць веру, надзею, любоў, і іх нішто не натхняе…
І толькі абраныя застаюцца “дзівакамі”…
Іх не разумеюць. З іх пасмейваюцца. Іх цураюцца. А часам проста ненавідзяць. Але ў рэшце рэшт пагаджаюцца, што наш свет існуе і становіцца цікавейшым у многім дзякуючы “дзівакам”. І гэта таму, што, “калі чаго-небудзь вельмі моцна пажадаць, яно абавязкова здзейсніцца”.
Жанр спектакля: казка воўчага лесу на дзве дзеі
Працягласць: 70 хвілін
Мова спектакля: беларуская
Для гледачоў узростам: ад 6 год
Рэжысёр-пастаноўшчык –– Ігар Сідорчык
Мастак-пастаноўшчык – Сяргей Антонаў
Аўтар песень – Аляксандр Станілевіч
Дзейныя асобы і выканаўцы:
Воўк – Аляксандр Зелянко, Ігар Сідорчык
Заяц – Аляксандр Гладкі, Іван Ушакевіч
Ліса – Раіса Астрадзінава, Таццяна Ражаўская
Пугач –Міхаіл Есьман, Аляксандр Станілевіч
Спектакль вядзе Святлана Шарамет
