ArchiveByNet прапануе беларускім культурніцкім, медыйным і даследчым праектам зрабіць дадатковую копію сайтаў, баз даных, PDF, аўдыё, відэа і іншых файлаў у бяспечнае сховішча, піша sekktor.online.

Для каго: беларускія ініцыятывы, якія захоўваюць або ствараюць унікальны кантэнт, але не маюць рэсурсаў для складанай архіўнай інфраструктуры.

Сэрвіс можа быць карысны для:

• Медыя і культурных сайтаў;
• Даследчых баз і архіваў;
• Замарожаных рэсурсаў, якія ўжо не абнаўляюцца, але застаюцца важнымі;
• Незалежных ініцыятываў, дзе ўсё трымаецца на некалькіх людзях.

Мэта — дапамагчы захаваць важныя беларускія лічбавыя архівы, каб яны не зніклі праз сканчэнне аплаты дамена або хостынгу, страту доступу, адсутнасць тэхнічных спецыялістаў, вымушаныя пераезды або сітуацыі, калі ўсё было толькі ў аднаго чалавека.

Што можна захоўваць:

• Архівы сайтаў;
• Базы даных і дампы;
• PDF і дакументы;
• Аўдыё і відэа;
• Фотаархівы і сканы;
• Падкасты, інтэрв’ю, запісы падзей;
• Лічбавыя калекцыі;
• Іншыя файлы і матэрыялы праекта.

У стандартнай канфігурацыі прапануецца каля 100 GB на праект. Калі патрэбны большы аб’ём або рэгулярныя рэзервовыя копіі, гэта можна абмеркаваць асобна.

Як гэта працуе:

• Вы падаеце заяўку і коратка апісваеце праект;
• Адміністратары ствараюць доступ для вашай ініцыятывы;
• Вы запампоўваеце файлы і ствараеце структуру архіва;
• Далей самастойна абнаўляеце і падтрымліваеце свой архіў.

Для чаго пасуе:

• Дадатковая копія архіва;
• Сховішча «на ўсялякі выпадак»;
• Падтрымка беларускай лічбавай спадчыны;
• Захаванне культурных, даследчых і медыйных матэрыялаў.

Для чаго НЕ пасуе:

• Гэта не публічны архіў;
• Не замена archive.org;
• Не платформа для захоўвання персанальных або вельмі сэнсітыўных звестак.

Для заяўкі трэба пазначыць:

• Які праект або арганізацыю вы прадстаўляеце;
• Якія матэрыялы трэба захаваць;
• Прыкладны памер архіва;
• Ці патрэбнае рэгулярнае рэзервовае капіяванне.