Журы штогадовай літаратурнай прэміі «Гліняны Вялес» абвясціла кароткі спіс намінантаў на званне лаўрэата за найлепшую мастацкую беларускамоўную кнігу 2022 года, піша reform.by.
Узнагарода лаўрэата прэміі «Гліняны Вялес»
Прэмія «Гліняны Вялес» была заснаваная ў 1993 годзе сябрамі Таварыства вольных літаратараў.
Лаўрэатам літаратурнай прэміі «Гліняны Вялес» за 2021 год быў прызнаны гарадзенскі празаік Віктар Сазонаў за раман «Генетычны алфавіт», выдадзены праграмнай радай тыднёвіка «Ніва» (Беласток).
У гэтым годзе шорт-ліст літаратурнай прэміі «Гліняны Вялес-2022» выглядае наступным чынам:
Зміцер Бартосік. Забіць упалмінзага. «Бібліятэка Свабоды»
Данута Бічэль. Гаўя ўпадае ў Нёман. «Про Хрысто»
Максім Знак. Зэкамэрон. «Беларуская турэмная літаратура». Праваабарончы цэнтр «Вясна»
Наста Кудасава. Святлана Дземідовіч. Побач. «Цымбераў»
Сяргей Лескець. Шэпт. Выдавецкая каманда «Вільма»
Антаніна Хатэнка. Вербніца. «Кнігазбор»
Юля Цімафеева. Воўчыя ягады. «Вясна»
У розныя гады лаўрэатамі прэміі былі Алесь Разанаў, Уладзімір Някляеў, Уладзімір Арлоў, Алег Мінкін, Віктар Казько, Міхась Скобла, Ганна Севярынец, Міхал Андрасюк, Артур Клінаў і іншыя.
Паводле традыцыі арганізацыйны камітэт «Глінянага Вялеса» называе свайго чарговага лаўрэата напрыканцы красавіка — пачатку мая. Пераможца атрымлівае сімвалічную ўзнагароду — гліняную скульптурку славянскага бога Вялеса, які лічыцца апекуном мастацтва. Прэмію можна атрымаць толькі адзін раз.
