Урачыстае адкрыццё акцыі «Культурная сталіца Беларусі» адбудзецца ў Слуцку 24 лютага.
Увасабленнем культурнага складніка Слуцка і Слуцкага раёна выбраны Слуцкі пояс, які займае галоўнае месца кампазіцыі.
У лагатыпе таксама выкарыстана выява аднаго з арнаментаў Слуцкага пояса, выкананая ў тэхніцы інкрустацыі саломкай.
Распрацавалі лагатып у Слуцкім раённым цэнтры народнай творчасці, гаворыцца ў паведамленні на рускай мове тэлеграм-каналу Міністэрства культуры Беларусі.
Мінкультуры абяцае, што «падчас правядзення акцыі госці і жыхары Слуцка даведаюцца пра самыя цікавыя падзеі, акцыі, прэм’еры, сустрэчы, майстар-класы, якія дададуць фарбаў у творчае жыццё самабытнага і старажытнага горада і прыцягнуць да яго яшчэ больш увагі».
