Расійская вакцына супраць каронавіруса «Спутник V» — ёй прышчапляюць у Беларусі — можа быць зарэгістравана ў ЕС восенню, піша Новы Час.
Такія тэрміны назваў кіраўнік Расійскага фонду прамых інвестыцый Кірыл Дзмітрыеў у інтэрв’ю тэлеканалу CNBC-TV18, піша «Наша Ніва».
Дзмітрыеў адзначыў, што расійскія распрацоўшчыкі вакцыны вядуць прадуктыўны дыялог з Еўрапейскім агенцтвам лекавых сродкаў (EMA).
«Мы чакаем ухвалення ад ЕМА восенню. Пакуль мы не атрымлівалі ніякіх значных негатыўных каментароў», — адзначыў ён.
