У межах праграмы “Разам да справы!” стартаваў праект “Кулінарная спадчына Браслаўшчыны”, які быў запушчаны ДУК “Цэнтралізаваная клубная сістэма Браслаўскага раёну” сумесна з braslaw.by, пры інфармацыйнай падтрымцы грамадскай культурніцкай кампані “Будзьма Беларусамі!”.
Арганізатары запэўніваюць, што будзе цікава: “Нашы край – адзін з самых шматнацыянальных рэгіёнаў у Беларусі. Тут сплёўся ў адно культурны код беларусаў, палякаў, літоўцаў, старавераў, татараў, габрэяў, латышоў, цыган і украінцаў. Прычым не толькі культурны, але і гастранамічны
Мы плануем сабраць найцікавейшыя старадаўнія рэцэпты ў кнігу, а таксама запускаем відэаканал, дзе неўзабаве пачнем занатоўваць, як гатуюцца стравы мясцовымі жыхарамі, а некаторыя нават будзем гатаваць самі.”
Сачыце за навінамі на старонцы праекту ў сацыяльнай сетцы “Вконтакте”.
