У архікатэдральным касцёле Найсвяцейшага Імя Марыі ў Мінску (плошча Свабоды, 9) развіталіся з першым кіраўніком незалежнай Беларусі Станіславам Шушкевічам.
Нагадаем, вядомы беларускі навуковец, доктар фізіка-матэматычных навук, прафесар, сябра Рады ліквідаванага ўладамі міжнароднага грамадскага аб'яднання» «ЗБС "Бацькаўшчына"» Станіслаў Шушкевіч адышоў у лепшы свет уначы 3 траўня. Яму было 87 гадоў.
Развітанне пачалося ўвечары, 6 траўня, працягвалася ўсю ноч і завершылася імшой сёння.
Развітацца са Станіславам Шушкевічам прыйшлі некалькі тысяч чалавек. Перад уваходам у касцёл выстраілася чарга.
На фота злева - прафесар, былы старшыня праўлення Нацбанка Беларусі Станіслаў Багданкевіч
З прамовай выступў арцыбіскуп эмерыт Тадэвуш Кандрусевіч. Ён падзякаваў спачыламу Станіславу Шушкевічу за спрыянне ў адкрыцці семінарыі ў Гродне
Людзі падчас развітання абураліся, што хаваць Шушкевіча будуць на Паўночных могілках, а не на Усходніх, дзе сапраўдны пантэон: Быкаў, Машэраў, Мулявін...
Фота з могілак gazetaby.plus
Памінальная імша па Станіславу Шушкевічу адбудзецца сёння ў Вільні ў 18 гадзін па мясцовым часе.
Заўтра памінальная імша пройдзе ў Варшаве, таксама а 18-й па мясцовым часе.
Уладзімір Някляеў: «Шушкевіч — знак Беларусі»
